Mening "eng buyuk qahramonlarim"

Mening – “eng buyuk qahramonlarim”
Ko’pincha insonlar “qahramon” so’zini biror bir mardlik yoki oddiy kino qahramonlarini, asar qahramonlarini nazarda tutadi.
Bu noto’g’ri demoqchi emasman ammo mening qahramonim u mening otam onam chunki bular hech qanday unvon olishmagan. Bu so’zim boshqalarga qiziq tuyilishi mumkin. Bizning ota onamiz 2 jahon urushidan oldin tug’ilib, urushdan keyingi qiyinchilik kunlarini boshidan kechirishgan otam bilan onam 1955-yili turmush qurishgan. O’n bitta farzand ko’rishgan. Bu farzandlarni oq yuvib, oq tarab qanday kasbni egallashidan qati’iy nazar o’z ishiga sodiq bo’lishni, halol bo’lishni o’rgatgan. Otam oddiy traktorchi, onam esa uy bekasi bo’lgan. Farzandlaridan to’rttasi oliy ma’lumotli yettitasi ham o’z kasbiga ega. Farzandlarining o’n bittasi ham alohida kata oila bo’lib yurtimiz rivojiga qo’lidan kelgan hissasini qo’shib kelmoqda. Qirqdan ortiq nabiralari ham hayotda o’z ornini topib yashab kelishyabdi yomon ko’zlardan o’zi asrasin ! Bularning hech biri yomon yo’lga kirmagan bularning hammasi otamiz, ya’ni Hamrayev Karim otaning to’gri tarbiyasi deb o’ylayman.
Bizning otamiz maqtanishni yomon ko’radi pand berishdan ko’ra pand yeyishni afzal biladi, to’g’rilik va halollikni hamma narsadan ustun qo’yadi. Biz ham farzandlarimizni ota onamizdek tarbiyalab shular darajasiga yetkazishni ollohdan so’raymiz.
Vatan kichik oiladan boshlanadi shunday ekan vatanimizga tinch, chiroyli, halol, mehnatkash oilalarni yetkazib yaqinda 87 yoshni qarshi olish arafasida 2019-yil 19-dekabr kuni bu olamni tark etdi. Bu yo’qotish butun sulolamizga juda og’ir bo’ldi. Lekin sulolamiz davom etarkan va uning qilgan ishlari, har bir aytgan so’zlari qalbimizda yangrab, otamiz yo’liga boshlab turadi.
Bu inson biz uchun sulolamiz uchun xatto vatanimiz uchun ham buyuk qahramon bo’la oladi deb o’ylaymiz.
Men bu maqolam orqali bizning qahramonlarimizni – oilam, farzandlarim, aka-uka, opa-singillarim nomidan ulug bayramlardan biri “Navro’z” milliy bayramimiz bilan bayrami bilan chin yurakdan tabriklab ularga uzoq umr, sihat salomatlik tilashni muhaririyat yordamida yetkazishni istadim.

Men Ellikqal’a tumani Xalq ta’limi bolimiga qarashli 43-sonli umumta’lim maktabining boshlang’ich sinf o’qituvchisi Hamrayeva Norgul Karimovna