Menejment va marketing

Bitiruv malakaviy ishining obyekti sifatida «Genus» AJ ining xo’jalik faoliyati tanlandi.

Bitiruv malakaviy ishining predmeti sifatida korxona menejmenti tizimida liderlik kategoriyasi, unga ta’sir etuvchi omillar xususiyati, mazkur jarayonda yuzaga keluvchi muammolar va ularni hal qilish masalalari tanlab olindi.

Bitiruv malakaviy ishining maqsadi va vazifalari. Bitiruv malakaviy ishining maqsadi - korxonaning menejment tizimida liderlikning o’rni, ahamiyati, shakllanishiga ta’sir etuvchi omillar, ularni tahlil qilish asosida korxonaning iqtisodiy salohiyatini oshirishga qaratilgan taklif va tavsiyalar ishlab chiqishdan iborat.

Bitiruv malakaviy ishining quyidagi vazifalari belgilandi:

• 
  liderlik tushunchasining mazmuni va uning korxona faoliyatidagi tutgan o’rni va ahamiyatini ochib berish;
  
• 
  korxona menejmentida liderlik sifatlari va unga qo’yiladigan talablarni qiyosiy tahlil qilish;
  
• 
  korxona menejmentida liderlik konsepsiyalari, boshqaruv uslubi va funksiyalarini o’rganish va baho berish;
  
• 
  «Genus» AJ boshqaruvining tashkiliy-tarkibiy tuzilishi va funksional vazifalarni bajarishda liderlik holatini tahlil etish;
  
• 
  «Genus» AJning ijtimoiy-iqtisodiy rivojlanishini tahlil etish va tegishli xulosalar olish;
  
• 
  korxonada personalni samarali boshqaruvida liderlik fazilatlarini rivojlantirish imkoniyatlarini o’rganish;
  
• 
  korxona menejmentida liderlik (rahbar) imidjini shakllantirishning innovatsion usullarini va rivojlantirish imkoniyatlarini o’rganish;
  
• 
  korxonalar boshqaruvida liderlik xususiyatlarini takomillashtirishning xorij tajribasini o’rganish va uni O’zbekiston sharoitida qo’llash imkoniyatlarini baholash.