Menejment va marketing fanidan o’quv-uslubiy majmua

13.2.Narx shakllanish uslublarini tanlash.
Korxona tovarga bo’lgan talabni, tovar ishlab chiqarish uchun sarf bo’lgan
yalpi xarajatlarni hisoblab chiqib va raqobatchilar narxini o’rganib, o’zining
tovariga narx shakllanish uslublarini belgilaydi. Odatda, tovarning narxi juda past
va juda yuqori ham bo’lmasdan, balki shu ikki ko’rsatkich oralig’ida bo’lishi
maqsadga muvofiqdir. Buning sababi shundaki, past narx foydani taьminlamaydi,
yuqori narx esa talabni shakllantirmaydi.
Korxona narx shakllanishi muammosini echar ekan, u yuqorida keltirilgan
mulohazalardan birini tanlab ish ko’radi. Bunda korxona tanlangan uslub tovarning
aniq narxini hisoblashda to’g’ri ekanligiga ishonib faoliyat yuritadi.
Narx belgilashning xarajatlarni hisoblashga asoslangan usuli. Bu usul
eng oddiy hisoblanib, mahsulot tannarxiga shu mahsulotni ishlab chiqaruvchidan iste'molchigacha etkazib berishgacha bo’lgan jarayonda vujudga keladigan xarajatlarni va korxonaning oladigan foydasini qo’shishga asoslanadi.
Har xil tovarlar uchun savdo ustamalari bir-biridan farq qiladi. Narxni
aniqlashga bunday yondashuvda bozor talabi va raqobatchilar narxi hisobga
olinmaydi. Bundan tashqari, sotiladigan mahsulotning hajmini aniqlash qiyin bo’lganligi sababli, ishlab chiqarish xarajatlarining hajmini aniqlashda ham
qiyinchilik tug’iladi. Shunga qaramasdan, bahoni aniqlashning bu usuli tez-tez qo’llaniladi, chunki bu usul oddiy va tushunarlidir. Narx belgilashning xarajatlarni hisoblashga asoslangan uslublaridan yana biri zararsizlik va maqsadli foydani
ta'minlashning tahlili asosida olib boriladigan usul hisoblanadi.
14-mavzu. Marketingda kommunikatsiyon siyosat.
Reja:

1. 
   Jamoatchilik bilan aloqalar (pablik rileyshnz) va uning mohiyati.
   
2. 
   Reklama va reklama vositalari.
   
3. 
   Marketingda sotishni rag’batlantirish.