"menejment va iqtisodiyot"

2.3-chizma.Texnologiya,  vazifa,  struktura  va maqsadlarning  o`zaro  bog’liqligi. 

---

31 
 
Boshqaruvga  vaziyatli  yondashuvda  inson  omilining  uch  asosiy  jihati    e`tiborga 
loyiq:  alohida  odamlar  hatti-harakati,  odamlarning  guruhdagi  hatti-harakati,  hamda 
rahbar  hatti-harakatining  xarakteri,  ya`ni  menedjerning  lider  rolidagi  faoliyati  va 
uning  alohida  odamlar  va  guruhlar  hatti-harakatiga  ta`siri.  Inson  omilini  tushunish 
va muvaffaqiyatli  boshqarish juda murakkab. 
Inson  o`zini  jamiyatda  va  ishda  qanday  tutishi  shaxsning  individual 
xususiyatlari  va  tashqi  muhitning  o`zaro  murakkab  birligi  oqibatidan  bog’liq  (2.4-
chizma).  
 
 
 
 
 
 
 
 
 
 
 
Dunyoda  bir  xil  xarakter  elementlari  to`plamiga  ega  bo`lgan  ikki  kishi  yo`q. 
Bunday  to`plamlar  soni  cheksiz  ko`pdir  va  bundan  kelib  chiqadiki,  ikki  kishining 
bir  holatning  o`zida  bir  xil  hatti-harakat  qilish  ehtimoli  nolga  teng.  Individual  hatti-
harakatning  rahbar  uchun  katta  ahamiyatga  ega  bo`lgan  tomonlari:  qobiliyat, 
moyillik,  iste`dod,  ehtiyojlar,  hatti-harakatlar  natijalarini  kutish,  idroklash, 
munosabat, nuqtai-nazar,  qadr-qiymat. 
Qobiliyat.  Odamlar  bir-biridan  aniq  farq  qilishning  asosiy  sohalaridan  biri 
ularning  individual  qobiliyatlari,  insonga  xos  sifatlar  hisoblanadi.  Ayrim 
odamlarda  boshqalarga  nisbatan  ba`zi  ishlarni  bajarishda  qobiliyat  ancha  katta. 
Qobiliyatdagi  bunday  farqlar  ko`pincha  irsiy  xususiyatlar  bilan  bog’liq,  masalan, 
intellektual  qobiliyat,  jismoniy  kuch-quvvat.  Odatda  qobiliyat  tajriba  asosida 
shakllanadi.  Tashkilotlar  doimo  qobiliyatdagi  farqlardan  foydalanib,  alohida 
ishlovchiga  topshiriqni  belgilab  berishadi.  Boshqalardan  o`z  qobiliyati  bilan  ustun 
turadigan  inson  o`zgalarga  nisbatan  ishni  yaxshiroq  bajaradi  deb  taxmin  qilinadi. 
Amalda  inson  harakatiga  taxmin  qilinganga  nisbatan  boshqacha  ish  tutishga 
majbur  qiladigan  boshqa omillar ham ta`sir ko`rsatadi.