"menejment va iqtisodiyot"

Ma’ruza – 2. Sanoat korxonalari menejmentining boshqaruv uslublari. 
Reja: 
1.  Sanoat  korxonalarida  boshqaruv  uslubining  shakllanishi  va  o`ziga  xos 
xususiyatlari.   
2.  Boshqaruv  uslublarining  turkumlanishi  va  rahbarlik  turlarining  turlarining 
o`ziga xos xususiyatlari.   
3.  Rahbar fazilatlari  va madaniyati.   
Tayanch iboralar: uslub, boshqaruv uslubi, ish uslubi, rahbarning ish uslubi, 
menejment  uslubi,  rahbar,  avtokratik  uslub,  liberal  uslub,  demokratik uslub, fazilat, 
madaniyat,  . 
 
8.1. Sanoat korxonalarida boshqaruv uslubining shakllanishi va o`ziga xos 
xususiyatlari. 
Uslub – bu ishlash, boshqarishdagi o`ziga xos yo`l, usul ma`nosini  anglatadi. 
Shu nuqtai-nazardan  quyidagi  tushunchalarni  ajrata  bilish  lozim:   
-  boshqaruv uslubi;   
-  ish uslubi;   
-  rahbarning  ish uslubi. 
Boshqaruv  uslubi  -  bu  boshqaruv  jarayonida  yuzaga  chiqadigan 
muammolarni  hal  qilish  usullari,  yo`llari  majmuidir.   
Ish  uslubi  –  bu  boshqaruv  funktsiyalarini  samarali  bajarish  maqsadida  biror-
bir  organning  yoki  rahbarning  bo`ysunuvchilarga  aniq  va  nisbatan  barqaror  ta`sir 
ko`rsatish usuli  va yo`llari  majmuidir.  Masalan:   
  mamlakat  boshqaruv organlarining  ish uslubi; 
  vazirlik,  qo’mita, hokimlarning  ish uslubi; 
  sud, prokuraturaning ish uslubi; 
  korxona, tsexlarning  ish uslubi; 
  ayrim  rahbarlarning  ish uslubi va hokazolar.    
Boshqaruvning  turli  pog’ona  va  bosqichlarida  turgan  boshqaruv  organlari  va 
rahbarlarning  ish  uslublari  har  xildir.  Shu  nuqtai  nazardan  ish  uslubi  g’oyat  ko`p 
qirrali  tushunchadir.  Menejment  nuqtai  nazaridan  olib  qaraganda,  mutlaqo 
o`xshash  kishilar  bo`lmaganidek,  vazifalar  ko`pligi  sababli  mutlaqo  bir  xil 
boshqaruv  uslubi  ham  bo`lmaydi.  Rahbar  faqat  o`ziga  xos  xususiyat  va  sifatlar 
vositasida faqat o`ziga xos, o`ziga mansub uslubda ish yuritadi. Shu ma`noda uslub 
rahbarning  shaxs  sifatidagi  xususiyatlarinigina  emas,  balki  faoliyat  xususiyatlarini 
ham  ifodalaydi.  Kishilarni  boshqarar  ekan,  rahbar  jamoaning  natijaviy  maqsadini 
ko`ra biladi  va uni shu maqsad sari yo`naltiradi.