Меnejment

2 Boshqarish bo’g’ini va bosqichi deganda nimalar deya olasiz?

4.2. Бошқариш бўғини ва босқичлари Ташкилий структураларни ҳосил қиладиган бошқариш органлари бошқарув буғинлари ва бошқарув босқичлари шаклида бўлади. Бошқариш бўғини - бу бошқаришнинг айрим ёки қатор функцияларини бажарувчи мустақил структураси бўлимлари (15-жадвалга каранг). Бу бўлимлар ўртасидаги боғланиш ва алоқалар горизонтал характерга эга. Бошқариш босқичи - бу иерархиянинг муайян даражасида амал қиладиган бўғин. Масалан: Вазирлик  бирлашма  корхона  цех  участка Бошқариш босқичлари бир бошқариш бўғинининг иккинчисига, одатда қуйи буғиннинг юқори бўғинга изчиллик билан бўйсунишини кўрсатади. Бу вертикал бўйича бўлинишдир. Барча бўғин ва босқичларнинг таркиби ва уларнинг ўзаро бўйсуниш тартиби, ҳар бир бошқарув органи ва бўғиннинг ҳуқуқ. ва бурчлари, , шунингдек, улар ўртасидаги муносабатлар тартиби, ахборот каби бошқаришнинг ташкилий унсурлари бошқариш тизимини ташкил қилади. Бошқариш тизими турли миқёсларга эга бўлиши мумкин. Чунончи: бутун ҳалқ хўжалигини (тармоқларни ва мамлакат туманларини) бошқариш; ҳар бир тармоқ ва туман тасарруфидаги корхоналарни бошқариш; корхоналар ичидаги бўлимларни (цехлар, участкалар ва ҳоказоларни) бошқариш. Ўз навбатида, бутун халқ хўжалигини бошқариш ҳам уни “тармоқ”, “бирлашма” ва “корхона” даражаларидаги иерархия босқичлар миқёсида амалга оширилади. Буни қуйидаги чизмада ифодалаш мумкин (8-чизма). Тизим: Тизим: “Корхона” Тизим: 8-чизма. Халқ хўжалигини бошқаришнииг структурал чизмаси. “Халк хўжалиги тизими” бир неча “тармоқ”лардан иборат кичик тизимга, “тармоқ” эса, ўз навбатида, бир неча “бирлашма”лардан иборат кичик тизимга бўлинади, “бирлашма” хам бир неча “корхона”лардан ташкил топади. Бу иерархик тизимда корхона халқ хўжалигининг бирламчи бўғини ҳисобланади. Миқёс жиҳатдан бу бўғинларни қуйидагича занжирлаш мумкин: Х/х>Т>Б>К