Menejment nazariyasi

Tayanch iboralar
Mezon, unumdorlik, unumdorlik mezoni menejmenti, mehnat 
unumdorligi, rejalashtirish, prognozlash, inson omili, unum- 
dorlikni oshirishda menejment, unumdorlikka ta’sir etuvchi omil- 
lar, texnologiya.
Nazorat savollari
1. Unumdorlikka qanday omillar ta’sir etadi?
2. Korxonaning menejment ilmiga ega bo'lish omilining mohiya­
ti nimadan iborat?
3. Biznes-reja qanday hujjat?
4. Biznes-rejani unumdorlikka qanday ta’siri bor?
5. U num dorlikni oshirishga chet el olim larining hissalari 
to'g'risida gapirib bering.
6. Unumdorlikning menejment usullari bilan bog'liqligi qanday?
7. Inson omilining unumdorlikka ta’siri qanday?
8. Ishlab chiqarishning menejment samaradorligi deb nimaga 
aytiladi?

---

XULOSA
Boshqaruvni jamiyatning iqtisodiy negizi bilan bog'lab, shu 
bilan birga boshqaruvning ikki - tashkiliy-texnikaviy va ijtimoiy- 
iqtisodiy tomonlarini hisobga olgan holda o'rganish lozim.
Mamlakatimiz Prezidenti I.A. Karimov o'zining «O ’zbekiston 
iqtisodiy islohotlarni chuqurlashtirish yo'lida» asarida: «Kuchli ijti­
moiy siyosat, avvalo, sermahsul mehnat qilish uchun yaxshiroq 
rag'bat va imkoniyatlar yaratishdan, iqtisodiy yo'l tanlash va faoliyat 
ko'rsatish erkinligiga bo'lgan kafolatli huquqni qaror toptirishdan, 
aholining mehnat va ijtimoiy faolligini oshirishdan ham iboratdir»,
- deb ta’kidlagan edi.
Boshqaruvning mohiyati ishlab chiqarish usuli, ijtimoiy-iqtisodiy 
munosabatlar darajasi, ishlab chiqarish kuchlari rivojlanishiga bog'liq 
holda o'zgaradi. Ishlab chiqarishning rivojlanishi va iqtisodiy alo- 
qalarning murakkablashuvi bilan boshqaruv ham murakkablashadi 
va mustaqil fan sifatda ajralib chiqadi. Ishlab chiqarish vositalariga 
mulkchilikning turli shakllari mavjud bo'lgan sharoitda tovar ish­
lab chiqaruvchilar o'rtasida raqobat vujudga kelib, u ishlab chiqarish­
ni boshqarish, foydani ko'paytirishga yo'naltiriladi.
Hozirgi kun talabiga asosan oliy o'quv yurtlarida menejment 
nazariyasini o'qitish katta ahamiyat kasb etadi. Ayniqsa, menejer 
kadrlarni tayyorlashda bu fanni o'zlashtirish muhimdir.
Menejment nazariyasi fani bo'yicha m a’ruzalarda o'qituvchi 
talabalarga masalaning mazmuni, mohiyatini tushuntirishi ularning 
keyingi mustaqil ta’lim olishi uchun asos yaratadi. M a ’ruzani yax- 
shi tinglanish siri shundan iborat-ki, talabalarni ma’ruza boshida 
qanchalik tushunarsiz va qiyin bo'lishiga qaramasdan, diqqat bilan 
eshitishga majburlashdan iborat. Diqqat shunday natija beradi-ki, 
tushunarsiz narsalar, sekin-asta tushunarli bo'lib boradi.
Talabalarning muntazam ravishda tavsiya etilgan adabiyotlar- 
ni o'qishi mustaqil ishlashning asosiy shaklidir. O ’qituvchining ba- 
jaradigan ishi shundan iborat-ki, u har doim talabalarni mustaqil 
ishlashga chorlashi va xotirani faol ishlashga majbur qilishi kerak.
Menejment nazariyasi fanini yaxshi o'zlashtirish talabalarning 
o'qishga bo'lgan munosabati, o‘z iqtidorini mustaqil oshirishi va 
takomillashtirishiga bog'liq.

---

Avantyura 
- qo'yilgan maqsadga erishishning real imkoniyat- 
larini hisobga olmagan holda ishga kirishish, tavakkalli va xavfli 
boshlanish, kutilmagan omadni ko‘zlagan nohaq (nohalol) faoliyat 
(harakat).