Menejment kafedrasi

2. Kichik biznes faoliyatining axborot tizimi
Axborotlar majmui tadbirkorlik faoliyati axborot tizimini tashkil qiladi.Tadbirkorlik faoliyatining axborot tizimi o’z ichiga:

• 
  kerakli axborotlar;
  
• 
  xujjatlar;
  
• 
  biznes tadqiqotlari tizimini;
  
• 
  aloqa kanallari;
  
• 
  texnik vositalarni qamrab oluvchi murakkab axborot tuzilmasidir.
  

Tadbirkorlar o’z ish kunlarini kichik va xususiy korxonalar, savdo nuqtalari ishi xaqidagi ma’lumotlar, maxsulotlarga bo’ladigan buyurtmalar va maxsulotni ortib-jo’natish xaqidagi teleks hisobotlarlari bilan tanishishdan, xaqiqiy va rejaviy ko’rsatkichlarning o’zaro munosabatlarini, ishlab chiqarish xarajatlarini o’rganishdan boshlaydilar. Ular maxsulotlarni joriy va o’tgan vaqtda sotilishi, tovar-moddiy zahiralar, mehnatni tashkil qilish va unga haq to’lash, transportda tashish va aholiga boshqa xizmatlar ko’rsatish xaqidagi axborotlarni sanoqli daqiqalarda oladilar. Bunda ularga hisoblash texnikasi va axborotlarni qayta ishlash jarayonini kompyuterlashtirish yordam beradi.
Yig’ilgan va qayta ishlangan axborotlar tadbirkorlarga boshqaruv qarori qabul qilishda yordam beradi.
Ishbilarmonlarga raqiblari xaqida axborotlar zarur. Bunday axborotlarni raqiblar tovarlarini harid qilish orqali „ochiq eshiklar kuni"da, ixtisoslashtirilgan ko’rgazmalarga borganda olishlari mumkin. Raqiblar xaqidagi ma’lumotlarni yana ularning hisobotlarlarini o’qib va hissadorlar majlislarida ishtirok etib, raqib korxona xodimlari, raqiblarga mol yetkazib beruvchilar va xaridorlar bilan suhbatlashib ham olish mumkin.
Raqiblarning reklamalari yig’indisini, ularning reklama xarajatlarini va ular foydalanayotgan reklama vositalari to’plamini olish uchun reklama byurosining pullik xizmatlariga murojaat qilinadi.
Tadbirkorlarga mijozlar, dilerlar va bozorda xarakat qiluvchi raqobatchilar xaqida ma’lumotlar kerak. Bozor munosabatlariga o’tish yanada kengroq va yanada sifatliroq axborotlar olish zarurligini shart qilib qo’yadi.
Tadbirkorlar uchun haridorning tovar xususiyatlariga munosabatlarini oldindan bashorat qilish borgan sari qiyinlashmoqda va ular tadqiqotlarga murojaat qilmokdalar. Ishbilarmonlarga borgan sari ko’proq axborotlar kerak bo’ladi va ularga doimo axborot yetishmaydi. SHuning bilan bir vaqtda, ishbilarmonlar o’zlariga kerakli aniq va foydali ma’lumotlarni yetarli miqdorda yig’a olmayotganliklaridan shikoyat qiladilar.³⁵