Menejment kafedrasi

Axborot oqimlarini tashkil qiluvchi manbalar:

• 
  axborot manbalari va iste’molchilarni aniqlashni;
  
• 
  xujjatlarni ishlab chiqishni;
  
• 
  axboroglarni yig’ish, uzatish, qayta ishlash va saqlash uchun texnik vositalarni aniqlash hamda xujjatlarni tuzishni;
  
• 
  rasmiylashtirish, ro’yxatdan o’tkazish, muvofiqlashtirish va tasdiqlash tartiblarini belgilashni o’z ichiga oladi.
  

Kichik biznesni axborot bilan ta’minlashni tashkil qilishda mavjud hisoblash va perfokartali texnikalarning mavjudligini, axborotlarni yig’ish, qayta ishlashni avtomatlashtirish va mexanizatsiyalashtirish darajasidan kelib chiqish kerak.
Kichik biznes faoliyatini axborot bilan ta’minlashni tashkil qilish, xujjatlarni saqlash vositalari:tokchalar, javonlar, kartotekalar, magnit tasmalari, magnit va lazer disklarini ko’zda tutadi. Aloqa vositalarining: telefon, teleks, ATS, direktorlik va dispetcherlik kommutatorlari, radioaloqa, chaqirish va avariya signal berish qurilmalari va hokazolarning mavjudligi ham muhimdir.
Biznesda xilma-xil idishlar, tarozilar, soatlar, hisoblagichlar va axborot datchiklari, turli xil o’lchov asboblari, yozuv va nusxa ko’chirish mashinalari ham muhim ahamiyatga ega.
Tadbirkor tomonidan qabul qilinayotgan boshqaruv qarorlari xususiyatlarining taxlili tadbirkorning axborotga bo’lgan ehtiyojini aniqlash uchun oboektiv asos bo’ladi. Qaror qabul qilish uchun turli-tuman axborotlar kerak. Bular avvalo, biznesni taoriflovchi ichki axborotlardir. Moddiy va mehnat zaxiralari, ishlab chiqarish texnologiyasi, maxsulotlarning tannarxi, korxona ichida yuklarni tashish, xodimlar mehnatiga xaq to’lash, ularning malakalarini oshirish va boshqalar shunday axborotlardan bo’lishi mumkin.
Bunday axborotlar operativ harakterga ega bo’lib, maxsulot ishlab chiqarish va sotishni hamda biznesning iqtisodiy ko’rsatkichlarini aks ettiradi.
Ichki axborotdan tashqari tadbirkorga tashqi axborot ham kerak bo’ladi. U keng doiradagi ma’lumotlardan iborat bo’lib, ishbilarmonga bozor, tovarlar narxlari, transport xarajatlari, eng yangi uskunalar va ilg’or texnologiya, biznesning uni qiziqtirgan sohasidagi fan va amaliyot yutuqlari, raqiblari xaqida ma’lumotlar beradi. Bulardan tashqari har bir ishbilarmon soliqlar, tadbirkorlik xaqidagi qonunlarni, mehnat qonunchiligini va boshqa me’yoriy xujjatlarni yaxshi bilishi kerak.