Менделеевнинг кимёвий элементлар даврий системаси

Расм чизиш. Ҳар бир командадан биттадан ўқувчи олдиндан тайёрлаб қўйилган қоғоз, қалам билан айтилган мавзуда расм чизади, бу вақтда кеча давом этаверади.


Масала ечиш. 3 нафардан аълочироқ ўқувчилар чақирилади, олдиндан тайёрлаб қўйилган хатжилдларга солинган 3 тадан масала-мисол берилади, 15 дақиқадан сўнг натижалар баҳоланади (Чақирилган ўқувчилар бамаслаҳат иш кўришади).
Бу номер давомида бадиий чиқишларни ўтказиш лозим.


Муҳлислар савол - жавоби. Командаларнинг муҳлисларига саволлар берилади ва олинган жавобларнинг баллари тегишли команда ҳисобига ёзилади.


Сардорлар баҳси. Бу баҳсда қуйидагига ўхшаш саволлар берилиши мумкин:
Кимёга оид муҳим константаларни – доимийларни айтиш;

Кимёвий терминлар айтишуви (адабиётдаги - баҳрибайтга ўхшаш), масалан: бор – радон – неон – неодим – молибден – натрий – йод.

Боғланган кўз билан доскада шакл чизиш;

Ўз аро савол - жавоб ўтказиш ва ҳоказо.

Ҳакамлар ҳайъати. 4-5 кишидан иборат бўлиб, уларнинг биттаси командалар олган балларни жамлаб боради (Ҳисоб - китобларни компьютер ёки калкулятор ёрдамида олиб борса янада қизиқарлироқ бўлади). Ҳакамлар кеча бошланишидаёқ баҳолаш тартиби билан ҳаммани таништириб чиқади.
Балларни қуйидагича белгилаш мумкин: Табрик - 5 балл, Расм чизиш - 5 балл, Масала ечиш - 5 балл, Муҳлислар савол - жавоби - 5 балл, Викторина, ҳар бир тўғри жавобга 1 баллдан, Сардорлар баҳси - ҳар бир тўғри жавобга 1 баллдан, газета - 5 балл, Уй вазифаси - 5 балл, Кийиниш ва нишон - 5 балл.
Жавоблардаги камчиликлар ва хатолар учун баллар чегириб борилади.
Кимёвий ўйинлар. “Қизиқарли кимё” китобнинг ўйинлар параграфидан олиниши мумкин.


Саволлар: Командаларга бериладиган саволлар мавзуси аввалдан эълон қилинган бўлади, мавзудан ташқари савол бериш мумкин эмас.