Меҳнат шартномасини тарафлар ихтиёрига боғлиқ бўлмаган ҳолатлар бўйича бекор қилиниши деганда нима тушунилади?

6-мавзу

ТАРАФЛАР ИХТИЁРИГА БОҒЛИҚ БЎЛМАГАН ҲОЛАТЛАР БЎЙИЧА МЕҲНАТ ШАРТНОМАСИНИ БЕКОР ҚИЛИШ. ИШДАН ЧЕТЛАШТИРИШ. МЕҲНАТ ШАРТНОМАСИНИ БЕКОР ҚИЛИШНИ РАСМИЙЛАШТИРИШ.

Меҳнат шартномасини тарафлар ихтиёрига боғлиқ бўлмаган ҳолатлар бўйича бекор қилиниши деганда нима тушунилади?
Меҳнат шартномасини тарафлар ихтиёрига боғлиқ бўлмаган ҳолатлар бўйича бекор қилиниши – муайян юридик шарт шароитлар юз бериши туфайли ҳодимнинг ҳам иш берувчининг хам ихтиёрига боғлиқ бўлмаган ҳолатлар бўйича улар ўртасидаги меҳнат ҳуқуқий алоқаларига барҳам берилиши.
· Ишдан бўшатиш нафақаси деганда нима тушунилади?
Ишдан бўшатиш нафақаси – иш берувчининг ташаббуси билан меҳнат шартномаси бекор қилинганда, тарафлар ихтиёрига боғлиқ бўлмаган холатларда меҳнат шартномаси бекор қилинганда ишдан бўшаш нафақаси тўланади. (ходим ўзининг меҳнат вазифаларини бажармаганлиги сабабли шартноманинг бекор қилиниши, ишга қабул қилиш юзасидан белгиланган қоидалар ходимнинг айби билан бузилган ҳоллар (суднинг муайян лавозимни эгаллаш ёки муайян фаолият тури билан шуғулланиш ҳуқуқидан маҳрум этиш ҳақидаги ҳукмини яшириш, сохта ҳужжатлар тақдим этиш ва ҳоказо) бундан мустасно; ) Ишдан бўшатиш нафақасининг миқдори ўртача ойлик иш ҳақидан кам бўлиши мумкин эмас.
· Ишга тиклаш деганда нима тушунилади?
Ишга тиклаш – Меҳнат шартномаси ғайриқонуний равишда бекор қилинган ёки ходим ғайриқонуний равишда бошқа ишга ўтказилганда, уни иш берувчининг ўзи, суд ёки бошқа ваколатли орган томонидан аввалги ишига тикланиши.
· Ишдан четлаштириш деганда нима тушунилади?
Ишдан четлаштириш – Ходим алкоголли ичимликдан, гиёвандлик ёки токсик модда таъсиридан мастлик ҳолатида ишга келганда, ходим мажбурий тиббий кўрикдан ўтишдан бўйин товлаган ёки ўтказилган текширишлар натижалари бўйича тиббий комиссия тавсияларини бажармаганда, иш берувчи уни ишга қўймасликка ҳақлидир.