Men Umarov Navro’zbek Bo’ron o’g’li Samarqand viloyat tumani Moliya bo'limida amaliyot o'tadim

1.Moliya bo‘limining funksiyalari, vazifalari va tashkiliy tuzilishi
Amaliyotning ilk kunlarida moliya bo’limining ichki tartib nizomi bilan tanishtirildik va butun amaliyot davomida ushbu nizom asosida ish yuritdik (1.1-ilova). Mazkur Nizom muqaddima, asosiy qism va xulosadan iborat bo’lib 6 ta bobni tashkil qiladi. Nizomning 1-bobi “Umumiy qoidalar” deb nomlangan bo’lib qaysi qonunlarga tayanib yozilgani, qaysi organ tomonidan qabul qilingani, qaysi organlar bilan hamkorlikda ish yuritishi kerakligi haqida ma’lumot berilgan. 2-bob esa “Moliya bo’linmasi va uning hududiy boshqarmalarining vazifalari va funksiyalari” deb nomlangan bo’lib, moliya bo’limining vazifa va funksiyalari haqida keng qamrovda ma’lumot berilgan. 3-bob “Moliya bo’linmasi va uning hududiy boshqarmalarining huquqlari va javobgarligi” deb atalgan va moliya bo’limining huquqlari va javobgarligi keng qamrovda tushuntirib o’tilgan. Nizomning 4-bobi esa “Moliya bo’linmasi va uning hududiy boshqarmalari faoliyatini tashkil etish” deb nomlangan va bo’limning hududiy tuzilishi haqida tushuncha berilgan. 5-bob “Moliya bo’limi va uning hududiy boshqarmalari xodimlarining ish haqi va ularni moddiy rag‘batlantirish” deb ataladi va u xodimlarning ish haqi va ularni moddiy rag’batlantirish haqida ma’lumotga ega. Oxirgi bob esa “Yakunlovchi qoidalar”ni qamrab oladi.
Amaliyot davrida moliya bo‘limi faoliyati va xodimlarining xizmat vazifalari bilan tanishish, kasbiy-amaliy bilimlarini o‘rganish kabi malaka va ko’nikmalarga ega bo’ldim. Shuningdek, moliya bo‘limining tashkiliy tuzilishi, funksiyasi va vazifalari bilan tanishib chiqdim (1.2-ilova). Shu bilan birga, amaliyot davrida amaliyot obyektining umumiy faoliyatida va jamoat ishlarida ham muntazam ishtirok etib bordim.
Mahalliy byudjetlar mablagʻlari hisobidan qonun hujjatlarida belgilangan tartibda fan, taʼlim, madaniyat, sogʻliqni saqlash, jismoniy tarbiya va sport, ijtimoiy taʼminot, mahalliy davlat hokimiyati organlari faoliyatini taʼminlash, byudjet tashkilotlarini saklash, iqtisodiyot tarmoqlarini rivojlantirishning maqsadli dasturlari va tadbirlarini amalga oshirish va boshqa moliyalashtiriladi.
Mahalliy byudjetlarni tuzish, shakllantirish, harajatlarni moliyalashtirish masalalari OʻzRning 2000-yil 14 dek.da kabul qilingan "Byudjet tizimi toʻgʻrisida" qonuniga muvofiq amalga oshiriladi. Davlat budjeti ma'lumotlarining ochiqligini ta'minlash hamda byudjet jarayonlariga fuqarolarni keng jalb qilish Moliya vazirligining ustuvor maqsadlaridan biri bo‘lib, mazkur qaror ijrosini ta'minlash maqsadida vazirlik tomonidan – “Ochiq budjet” axborot portali yangi tahrirda ishga tushirildi.