Ámeliy jumıs 8 Botanika baǵındagi siyrek ushırasatigin ósimlikler menen tanısıw Jumıstıń maqseti

Ózbekistan «Qızıl kitabı» na kiritilgen Qaraqalpaqstan florası ósimliklerine sıpatlama. Keyingi jılları ekologiyalıq sharayattıń qıyınlasıwına baylanıslı ósimlik túrleriniń sanı kemeyip, joǵalıw aldında turǵanlıǵı esapqa alınıp, olardıń ayırımlarınıń Ózbekstan Respublikası «Qızıl kitabı»na kiritilgen, atap aytqanda 1984- jıldaǵı birinshi baspada 163 túr, ekinshi baspada 301 tur, úshinshi baspada 305 tur hám 2009-jılǵı tórtinshi baspada 324 tur ósimlik kiritilgen. 1984-jılǵı Ózbekstan Respublikası «Qızıl kitabı»na Qaraqalpaqstan florasında ósetuǵın ósimliklerdiń 5 turi /Aqtaw selewi, Buze lalası, Sogdiana lalası, Qońır qum juzim, Sutleme / kiritilgen bolsa, al 1998-2006-jılı baspadan shıqqan «Qızıl kitabı»qa ósimliklerdiń 11 turi kiritilgen, 2009-jılı shıqqan «Qızıl kitap»ta lalanıń eki túri atap aytqanda Buze lalası, Sogdiana lalası hám Qaldıq taw astragalı 3 túr kiritilmegen. 2009-jılı shıǵarılǵan Ózbekistan Respublikası «Qızıl kitabı»na Qaraqalpaqstan florasında ósetuǵın ósimliklerdiń 9 turi kiritilgen. «Qızıl kitap»qa Klimakoptera ptiloptera-balıqkóz ósimligi kiritilgen, bul túr aldıńǵı shıqqan «Qızıl kitap»larǵa kiritilmegen.
1.Stipa aktabensis- Aqtaw selewi
2. Lappula parvula-Mayda moviygul
3. Malococarpus crithmifolius-Qońır qum juzim
4. Lepidium subcordatum-Jurek tárizli torol
5. Euphorbia sclerocyathium- Sutleme
6. Climacoptera ptiloptera- Balıq kóz
7. Salsola chiwensis-Xiywa sorası
8. Oligohaeta wedenskyi- Vvedenskiy oligoxetası
9. Scorzonera bungei-Teke saqal (199-200-súwretler).

Stipa aktabensis Aqtaw selewi

Aqtaw selewi Status 2. Oraylıq Qızılqumdaǵı júdá siyrek ushıraytuǵın endem túr. Qısqasha sıpatlama. Boyı 25-30 sm ge jetetuǵın shım payda etiwshi, kóp jıllıq shóp deneli ósimlik. Japıraqları jińishke, joqarısındaǵıları keńeyip, top gúllerdi orap alǵan. Top gúller uzınlıǵı 6-10 sm, jińishke kem masaqlı qılshıqları pár sıyaqlı, uzınlıǵı 13, 5 sm. Aprel`-iyuń aylarında gúllep, miywe beredi. Tarqalıwı. Oraylıq Qızılqumdaǵı pás qaldıq tawlarda tarqalǵan.

Lappula parvula Mayda lipuchka