Mektepke shekemgi ta’lim sho’lkeminde balalar dene ta’rbiyasin sho’lkemlestiriw formalari

Mektepke shekemgi ta’lim sho’lkeminde balalar dene ta’rbiyasin sho’lkemlestiriw formalari

Dene ta’rbiyasin sho’lkemlestiriw formalari- bul balalardin’ ha’r tu’rli iskerliginin’ ta’lim ta’rbiyaliq jiyindisi bolip, onin’ tiykarin ha’reket iskerligi quraydi. Balalar ha’reket iskerligin sho’lkemlestiriwdin’ formalari to’mendegilerden ibarat.

1. 
   Dene ta’rbiya shinig’iwlari
   
2. 
   Ku’n ta’rtibindegi salamatlastiriw jumislari.
   
3. 
   Aktiv dem aliw; balalar turizmi, fizikaliq dem alislar, dene ta’rbiya bayramlari, salamatliq ku’nleri, dem alislar.
   
4. 
   Balalrdin’ g’arezsiz ha’reket iskerligi.
   
5. 
   U’yge tapsirma.
   

Bul formalardin’ barlig’i fizikaliq ta’rbiya ha’m balani ha’r ta’repleme rawajlandiriwg’a xizmet qiladi.
Dene tarbiyasi shinig’iwlari o’z ara baylanisli 3 bo’limnen ibarat;

1. 
   Kirisiw- tayarliq.
   
2. 
   Tiykarg’I bolim.
   
3. 
   Juwmaqlawshi bo’lim.
   

Dene ta’rbiya shinig’iwlarinin’ birinshi bo’limi qoyilg’an waziypalar ha’m onin’ tiykarg’I bo’legindegi shinig’iwlar mazmunina ko’re ha’r tu’rli boliwi mu’mkin. Bul bo’lim waziypasi balalarda shinig’iwg’a qizig’iw ha’m joqari keypiyat payda etiwden, diqqattin’ tayarliq da’rejesin tekseriwden, ayrim ha’reket ko’nikpelerin aniqlastiriwdan, bala organizmin a’ste- aqirin shinig’iwdin’ tiykarg’I bo’leginde bolatug’in bir qansha intensiv tez iskerlikke tayarlawdan ibarat. Sol maqsette balalarg’a duris qa’ddi -qa’wmetti ta’rbiyalawg’a, jalpaq tabanliqtin’ aldin aliwg’a ja’rdem beretug’in, ken’islikte ha’m toparda bag’dar aliwi menen baylanisli, isleniwi ko’p waqit talap etpeytug’in tanis shinig’iwlar ha’m olardin’ variantlarin islew usinis etiledi.

Bunday shinig’iwg’a to’mendegiler kiredi.

• 
  Saplaniw shinig’iwlari – ha’r tu’rli saplaniw ha’m qayta saplaniwlar
  
• 
  Tu’rli tapsirmalar menen baylanisli islenetug’in ju’riw ha’m ju’giriw;
  
• 
  Tarqalip jen’il ju’riw