784
qobiliyatning rivojlanishi boladagi badiiy, ijodiy faoliyatning paydo bo`lishi
bilan
bog’liq. Bu yoshda bolalar
predmetlarning tuzilishini, ularning makondagi
xususiyatlarini, buyumlarning qismlarini mosligini ajrata oladilar. Agar bolada bu
qobiliyatlar yetarli darajada shakllangan bo`lsa, bola ma’lumotlarni osonroq esda olib
qoladi. Maktabda o`qishning boshlanishiga yaqin so`z-mantiqiy
tafakkur shakllana
boshlaydi. Bu esa bolalarda so`zlar bilan ishlash, o`z fikrini bayon eta olish va uni
asoslash malakasini yuzaga keltiradi. Birinchi sinf o`quvchilari
qaysidir tushuncha
bilan ishlashda eng avvalo uning yuzaki, tashqi alomatlarini anglaydilar, ular
ob’ektning harakatini (u nima qilyapti?), uning vazifasini (u nima uchun?)
aniqlay
oladilar, lekin bu predmetning ichki mohiyatini anglamaydilar, uni qandaydir guruhga
ajrata olmaydilar. Masalan, “traktor”ni ular–“dalada yer haydash uchun”, “kartoshkani
qazish uchun” kerak, lekin “qishloq xo`jalik mashinasi” degan degan tushunchaga ega
emaslar. Bolalar bu yoshda ma’lumotlarni mexanik, uyushmagan tarzda eslab
qolishadi. Ularga biror bir mavzuning umumiy ma’nosini aytib berishdan ko`ra, matnni
yodlab olish osonroq. Diqqatlari hali barqaror emas.Bolalar oson chalg’iydilar, tez
charchaydilar.Shuni inobatga olgan holda, mashg’ulotlarni
bolalarni qiziqishlariga
qarab rejalashtirish lozim.Bolalarga o`yin, ertaklarni tinglash va muhokama qilish, o`zi
haqida gapirib berish, rebus, turli boshqotirmalarni yechish, o`qituvchidan shaxsiy,
aniq maqtov olish juda yoqadi.
Kasbga yo`naltirish mashg’ulotlarida yosh xususiyatlarini
inobatga olgan
holda mavjud psixologik o`yinlarning turli modifikasiya(moshlashtirilgan)larini
qo`llash lozim. Masalan, sezgi va idrokni rivojlantiruvchi “Sehrli xaltacha” o`yini
mavjud. Xaltachaga turli kasblar bilan bog’liq bo`lgan predmetlar solinadi. Bola
xaltachaning ichiga qaramasdan- faqatgina ushlab ko`rib, predmetning nomini va uni
qaysi kasbga tegishli ekanini topishi lozim. Bu yoshda bolalar ko`pincha o`ylamasdan
impulsiv harakat qiladilar, ular qo`yilgan maqsadga erishishda qiynaladilar. Ularga
o`qish faoliyati ya’ni
yangi bilimlar olish emas, balki o`qituvchi tomonidan unga
qo`yiladigan baho ahamiyatliroq.
785
2-4-sinflarda o`quvchilarning idroki ancha rivojlanadi. Agar 1-sinf
o`quvchilari harflarni va sonlarni adashtirsalar, 2-4-sinflarda bunday xatoliklarga yo`l
qo`ymaydilar. 2-4-sinf o`quvchilari endi predmetlarni nafaqat shunchaki nomini
aytishlari balki uni ta’riflashlari,
uning qismlarini, inson hayotidagi vazifa va
ahamiyatini aytib berishlari mumkin.
2-4-sinflarda rasm asosida hikoya tuzib berish, ko`rganlarini so`z bilan
tasvirlab berish qobiliyatlarini rivojlantirish juda muhim. Bolalarga rasmda qanday
voqealar sodir bo`layotganini tushuntirish va ularni baholash, kuzatilayotgan predmet
va hodisalar orasida ichki bog’liqlikni o`rnata olish, vaziyat, predmetlarni o`zaro
taqqoslay olish hamda o`z nuqtai nazarini asoslashga o`rgatish lozim.
Do'stlaringiz bilan baham: