Международный научно-образовательный электронный журнал «образование и наука в XXI веке». Выпуск №27 (том 6)

ta’minlash; 
IV.
 
Adolatli ijtimoiy siyosat yuritish, inson kapitalini rivojlantirish; 
V.
 
Ma’naviy taraqqiyotni ta’minlash va sohani yangi bosqichga olib chiqish; 
VI.
 
Milliy manfaatlardan kelib chiqqan holda umumbashariy muammolarga 
yondashish 
VII.
 
Mamlakatimiz xavfsizligi va mudofaa salohiyatini kuchaytirish, ochiq, 
pragmatik va faol tashqi siyosat olib borish. 
Ushbu yo’nalishlar asosida belgilangan maqsadlarga e’tibor qaratadigan bo’lsak, 
inson qadrini ulug’lash, mahalla institutini rivojlantirish, davlat organlarining xalq 
manfaatlariga xizmat qilishini ta’minlash kabilarni ustuvor vazifa etib belgilaydi. 
Masalan, strategiyada belgilangan 1-maqsadga nazar solsak, unda mahalla instituti 
faoliyatining samaradorligini oshirish, uni jamoatchilik boshqaruvi va nazoratining 
tayanch bo’g’iniga aylantirish etib belgilanishi, mahalladan turib barcha davlat 
idoralariga murojaat qilish tizimini yaratish, davlat va ijtimoiy xizmatlarni bevosita 
mahallalarda ko’rsatish belgilanishi fuqarolarga bir qancha qulayliklarni yaratib 
beradi. Ortiqcha ovoragarchiliklar, moddiy taraflama, ham vaqt nuqtayi nazaridan 
ham aholiga manfaatli bo’ladi. Joriy yilning “Inson qadrini ulug’lash va faol mahalla 
yili” deb nomlanishi va bu bo’yicha amalga oshirilishi belgilangan vazifalar Yangi 
O’zbekistonning taraqqiyot strategiyasiga hamohang tarzda olib boriladi. Fuqarolar 
bilan bevosita ish olib boruvchi mahalla instituti muammolarning yuqori bo’g’inlarda 
to’planib qolishini oldini olgan holda har bir fuqaro bilan individual tarzda 
shug’ullanib, masalalarni hal etishi eng yaxshi yechim desak, also yanglishmagan 
bo’lamiz. Shuningdek, mahalla raisining faoliyatini ham jamoatchilik tomonidan 
nazorat qilinishini ta’minlovchi fuqarolar tomonidan mahalla raisiga nisbatan 

---

208 
ishonchsizlik bildirish instituti joriy etilishi ularning faoliyatida faqat qonunga 
bo’ysunishini taqozo etadi va o’z ishiga halol yondashishini ham ta’minlab beradi.
Yana bir muhim islohotlardan biri sifatida 2026-yilgacha ehtiyojmand aholi 
ijtimoiy nafaqa va moddiy yordam bilan to’liq qamrab olinishini keltirishimiz mumkin. 
Shuningdek, 2022-yil 1-apreldan Qoraqalpog’iston Respublikasi va Xorazm viloyatida 
1-4-sinf o’quvchilari bepul ovqat (nonushta yoki tushlik) bilan ta’minlanishi ham yosh 
avlodning har tomonlama yetuk, yuksak intellektual salohiyatli bo’lib yetishib chiqishi 
uchun qilinadigan g’amxo’rliklardan biridir. 2023-yil 1-yanvardan pensiyani hisob-
kitob qilishda ish haqining maksimal miqdori pensiyani hisoblash bazaviy miqdorining 
10 baravaridan 12 baravarigacha oshirilishi mamlakatimiz tomonidan nafaqat yosh 
avlodga, balki keksalarga ham g’amxo’rlik qilinayotganligini ifoda etadi. Yangi 
O’zbekistonning taraqqiyot strategiyasida hech qanday soha yo’qki, e’tibor 
qaratilmagan.
Aholiga axborot-kutubxona xizmatini koʻrsatishni yanada rivojlantirish, 
kitobxonlikni keng ommalashtirish hamda “Kitobsevar millat” umummilliy gʻoyasini 
roʻyobga chiqarish deb nomlangan taraqqiyot strategiyasining 72-maqsadida aholiga 
axborot-kutubxona xizmati koʻrsatishni yanada rivojlantirish, kitobxonlikni keng 
ommalashtirish hamda sohada yagona boshqaruv tizimini joriy etish deb belgilangan. 
Bugungi kunda yurtimizda kitobxon yoshlarning soni ko’payib borishi quvonarli 
holdir. Bunga asosiy sabab qilib, kitobxon yoshlarga davlatimiz tomonidan 
berilayotgan e’tibor va imkoniyatlar deb ko’rsatishimiz mumkin. Minglab yoshlarni 
o’ziga jalb qilgan “Yosh kitobxon” tanlovi bugungi kunda kuchli raqobat muhiti 
asosida bo’lib o’tmoqda. Hali hech qaysi davlatda yoshlar o’rtasida o’tkaziladigan 
tanlovlarga sovrin sifatida avtomobil qo’yilmaganligini alohida e’tirof bilan 
aytishimiz mumkin. Kitob o’qigan boladan hech qachon yomonlik chiqmaydi 
deganlaridek, kitobsevar xalqning kelajagi ham porloq bo’ladi. Ushbu maqsadning 
davomi sifatida 73-maqsadda buyuk ajdodlarimizning boy ilmiy merosini chuqur 
oʻrganish va keng targʻib etish ilgari surilgan. IHT, IRSIKA, AYSESKO, YUNESKO 
kabi dunyoning nufuzli xalqaro tashkilotlari, ilmiy-tadqiqot markazlari va 

---

209 
universitetlari bilan hamkorlikda “Yangi Oʻzbekiston – Uchinchi Renessans” shiori
ostida xalqaro konferensiya, simpozium va anjumanlar tashkil etish, buyuk 
ajdodlarimizning boy ilmiy-maʼnaviy merosini keng targʻib qilish maqsadida 
yurtimizdan yetishib chiqqan allomalar qalamiga mansub 100 ta asarning xalqchil 
tarjimasini amalga oshirish, ular asosida ilmiy va ommabop risolalar yaratish kabilar 
ustuvor vazifalar etib belgilangan. Shuningdek, buyuk ajdodlarimizning boy ilmiy 
merosini chuqur oʻrganish va keng targʻib etish maqsadida Oʻzbekiston xalqaro islom 
akademiyasi, Islom sivilizatsiyasi markazi, Imom Buxoriy, Imom Termiziy, Imom 
Moturidiy xalqaro ilmiy-tadqiqot markazlari faoliyatini qoʻllab-quvvatlash ham bu 
borada belgilangan vazifalardan biridir.
Xulosa qilib aytganda, Yangi O’zbekistonning taraqqiyot strategiyasi yaqin 
muddatga va uzoq istiqbolga mo’ljallangan harakatlar dasturi hisoblanadi. Taraqqiyot 
strategiyasi - rivojlangan davlatlarning tarixiy tajribasiga tayangan holda necha yuz 
yilda amalga oshirilgan ishlarni mamlakatimizda qisqa muddatda va yo’l qo’yilgan 
xatolarni takrorlamagan holda tatbiq qilish orqali uchinchi renessans poydevorini 
mustahkam qilib o’rnatish yo’lidagi dastlabki qadam deb aytishimiz mumkin.