Международный научно-образовательный электронный журнал «образование и наука в XXI веке». Выпуск №27 (том 6)

Janubiy Koreyada kattalar ta’limi.
Janubiy Koreyada kattalar ta’limi ancha 
rivojlangan. Ushbu davlat aholisining o‘rta umr ko‘rishi ancha yuqori (2020-yil 
ma’lumotlariga ko‘ra 83 yosh) bo‘lganligi sababli, nafaqa yoshidagi aholining 
ko‘pchiligi uyda o‘tirishni xohlashmaydi. Ular faol hayot tarzini davom ettirib, 
qo‘shimcha kasb o‘rganishadi, hatto universitetlarga borib tahsil olishadi. Bunday 
universitetlar uchinchi yoshdagi universitetlar deb ataladi. Shunday universitetlarning 
dastlabkisi 1975-yilda Seul shahrida tibbiyot xodimlari uchun o‘quv markazida paydo 
bo‘lgan. Bir necha yil o‘tib, Janubiy Koreyaning boshqa ta’lim muassasalarida ham 
paydo bo‘la boshlagan. Janubiy Koreyada bunday universitetlarning talabalari soni kun 
sayin ortib bormoqda. O‘qishni xohlovchilar bir semestr yoki bir yil o‘qish uchun 
ro‘yxatdan o‘tishlari mumkin. Ushbu universitetlarni moliyalashtirish Ta’lim Vazirligi 
hisobidan maxsus grantlar evaziga amalga oshiriladi
7
. 
O‘quv dasturlari katta yoshli talabalar qiziqishlariga mos ravishda tayyorlanadi. 
Ularni o‘qitish va rivojlantirish uchun professor o‘qituvchilar, psixologlar, shifokorlar, 
6
Рекомендация об обучении и образовании взрослых. ΟрганизацияΟбъединенньιх Ηаций повопросам 
образования,науки и культур 2015. 
https://unesdoc.unesco.org/ark:/48223/pf0000245179_rus
  
7
Pulatova D.A. O‘zbekiston va Janubiy Koreyada kattalar ta’limi: qiyosiy tahlil.
(magistr). ...dis. – Т.:2021. – 44 б. 

---

80 
san’atkorlar va boshqa mutaxassislar jalb qilinadi. Janubiy Koreyada kattalar ta’limi 
soxasidan tashqari turli kasbga o‘rgatish to‘garaklari ham tashkil qilingan bo‘lib, ushbu 
guruhlarda 10-15 nafar talaba kasb o‘rganadi. Masalan, psixologiya, huquqshunoslik, 
jurnalistika, teatr san’ati, badiiy ustaxonalardan tashkil topgan guruhlar mavjud. 
Xattoki kishilar bepul tarzda tashkil qilingan videokurslarga a’zo bo‘lgan holda, AKT 
savodxonligini o‘rganishi, bepul dasturlash kurslarini o‘qishi mumkin. Koreyalik katta 
yoshlilar uchun universitetda o‘qish yolg‘izlik va zerikishdan halos bo‘lish va uyda 
o‘tirib qolmaslikning ijobiy yechimi hamdir. 
Bugungi kunda Janubiy Koreyada katta yoshlilar uchun 100 dan ortiq 
universitetlar mavjud bo‘lib, ularda 125 mingdan ortiq katta yoshdagi talabalar 
o‘qishadi. Ushbu universitetlarda tibbiyot, AKT fanlari, sport tadbirlari va chet tili 
kurslari juda ommalashgan. Janubiy Koreyaning ta’lim tizimi YUNISEF ekspertlari 
tomonidan sanoati rivojlangan davlatlar ichida “eng samaralisi” deb tan olingan. Ushbu 
davlatda o‘quv jarayoniga axborot kommunikatsiya texnologiyalarini joriy qilishga 
jiddiy e’tibor qaratiladi. Janubiy Koreyada barcha maktab va boshqa ta’lim 
muassasalari kompyuter va internet bilan to‘liq ta’minlangan dunyodagi ikkita 
mamlakatdan biri sanaladi.