Mehnat ta’limi fanidan

Yangi o`tilgan mavzuni mustahkamlash va baholash:

1. 
   Kasb tanlash vaqtida nima uchun salomatlikni hisobga olish kerak?
   
2. 
   Organizm uchun qanday ishlab chiqarish omillari noqulay omillar hisoblanadi?
   
3. 
   Kishining kasbga yaroqliligi to`g`risidagi uning qanday fazilatlariga qarab baho berish mumkin?
   
4. 
   Kasbga yaroqlilikning qanday turlarini bilasiz?
   
5. 
   Siz o`zingiz tanlagan kasb uchun qanday fazilatlarni muhim deb hisoblaysiz?
   
6. 
   Siz tanlagan kasbdagi mutahassislar qanday mehnat sharoitida ishlaydi?
   

IV. Darsni yakunlash va uyga topshiriq berish.

33 – dars.

“Texnologiya va dizayn” hamda “Servis hizmati” yo`nalishlari uchun .

O`qituvchilarga metodik tavsiya

Bunga o`xshash mavzu yuqorida, ya`ni “Kadrlarni tayorlash, malakasini oshirish yo`nalishlari, tartibi va standartlari” deb nomlangan 27-28-mashg`ulotlarda qisman ko`rib chiqilgan. Mazkur mavzuni otishda o`sha o`tilgan mavzularni takrorlash, unda aytilmay qolgan ma`lumotlarni aytish zarur bo`ladi.

Mazkur mashg`ulotni tashkil etishning yana bir ko`rinishi – o`quvchilarni biror akademik litsey yoki kasb-hunar kollejiga sayohatga olib borish, u joydagi xonalarni ko`rish, o`quvchilar va oqituvchilar bilan uchrashish, suhbat o`tkazishdan iborat.
Bu holda ham o`quvchilarning to`plagan materiallarini va taassurotlarini o`rganish maqsadida ularga yuqorida olib borgan ishlar bo`yicha erkin mavzuda referat, insho, hikoya kabi yozma ishlarni bajarishni taklif etish maqsadga muvofiqdir.

34 – dars.

“Texnologiya va dizayn” hamda “Servis hizmati” yo`nalishlari uchun .

O`qituvchiga metodik tavsiya.

Bu mavzu ham umumiy ko`rinishga ega bo`lib, undan ko`zlangan maqsad o`quvchilarning kasblarning turlari va tasnifi bo`yicha olgan bilimlarini aniqlash va mustahkamlashdan iboratdir. Shu bilan birga tanlangan kasbni o`sha inson salomatligiga, layoqatiga mos kelish-kelmasligini tahlil qilishni o`rgatishdir. Shu maqsadda o`qituvchi muayyan sharoitdan kelib chiqib, o`quvchilarga yashash joylari atroflarida joylashgan korxonalar, fermer xo`jaliklari va boshqalarda mavjud bo`lgan kasblarni o`rganishni, u joylarda ishlayotgan ishchi - mutaxasislar bilan uchrashib, suhbatlashishni vazifa qilib topshirishi mumkin.

O`quvchilarning to`plagan materiallarini va taassurotlarini o`rganish maqsadida ularga yuqorida olib borgan ishlari bo`yicha erkin mavzuda referat, insho, hikoya kabi yozma ishlarni bajarish taklif etiladi