Мехнат ресурслари ижтимоий-иктисодий категория сифатида

Мехнат ресурсларидан фойдаланиш
«Мехнат ресурсларидан фойдаланиш» ва «мамлакатнинг мехнат потенциали» тушунчалари бир-бири билан узаро богликдир.
Биз бу ерда фойдаланиш деганда иктисодиётнинг ресурсларидан бири булган мехнат ресурсларини таърифловчи икки йуналишни тушунамиз. Бу, биринчидан, мехнат ресурсларининг таксимланиши ва иккинчидан, уларнинг мехнатидан халк хужалигида фойдаланиш самарадорлигидир.
Мехнат ресурсларини таксимлаш деганда pесурсларнинг халк хужалигида ишлайдиган кисмлари ва ишламайдиган кисмлари тушинилади. Уз навбатида, ишламайдиган кисм мехнат килиш кобилиятига эга булган ёшдаги укувчилapгa ва шахсий ёрдамчи хужалик билан шугулланувчиларга, харбий кучлар сафида хизмат килаётганларга, ишсизларга, шунингдек, хеч ерда ишламайдиганларга, укимайдиганларга ва иш кидирмайдиганларга булинади.
Мехнат билан бандлик турлари буйича мехнат реурсларининг таксимланишини факат фукоро ахоли (яъни бунга харбий хизматчилар кирмайди) буйича кузатиш мумкин.
Ишлайдиган ахоли (мехнат билан банд ахоли), уз навбатида, айрим тармоклар, касб гурухлари буйича таксимланиши, шу жумладан, аклий ва жисмоний мехнат буйича, мехнат режими буйича (тулик йиллик бандлик, тулик булмаган иш куни ва хафтаси ва хоказо), нихоят ижтимоий-иктисодий сохалар буйича карaб чикилади.
Халкаро жихатлардан бири мехнат билан бандларни «иктисодий фаолият турлари буйича» таксимлашдир. Бу жихатнинг мазмуни иктисодий фаолият турлари классификатори, махсулот ва хизматлар классификатори, деб белгиланган. Унга халкаро стандарт тармок таснифлаши ва халкаро асосий махсулотлар классификатори киради. Улap БМТнинг статистика комиссияси томонидан ишлаб чикилган.
Мехнат ресурсларининг тузилишига ёш нуктаи назардан мурожаат килиш, айникса, мухимдир. У, айникса, бозор шароитида купрок ахамиятга эга. Амалга оширилаётган иктисодий ислохотлар муваффакияти ёшларнинг сонига куп жихатдан боглик. Ёшлар янги иктисодий «рух»ни узлари ва мамлакат фойдаси учун муваффакиятлирок узлаштириб оладилар.
Мехнат ресурсларини таксимлашга боглик равишда инсон ресурсларининг имкониятлари ривожланиш омиллари сифатида катта ёки кичик булиши мумкин. Масалага ана шу тарзда ёндашиш жамиятнинг мехнат потенциалини, худудни, корхоналарни урганиш ва аниклаш имконини беради. Мехнат потенциалини сифат улчовидаги мехнат ресурслари сифатида таърифлаш мумкин.
Юкорида айтилганлардан шу нарса аникки, «мехнат потенциали» тушунчаси мехнат ресурслари ва иктисодиётнинг узаро таъсирини урганишга ёрдам берадиган алохида омилдир.
Биз яна «мехнат самарадорлиги» деган таърифни хам аниклаб олишимиз керак. У мехнат ресурсларидан фойдаланиш курсаткичларидан биридир. Хар кандай фаолият туридаги самарадорлик пировард натижада вакт билан улчанади, вакт махсулот бирлигини ёки хизматлар бирлигини ишлаб чикаришга сарфланади. Бунда махсулот ва хизматлар сифатига куйиладиган талабларга катта эътибор берилади. Шу нуктаи назардан мехнатни татбик этиш самарадорлиги - юкори сифатли пировард натижага мехнат сарфини камайтиришдир.
Мехнат ресурсларини таксимлаш турларидан бири мамлакат худуди буйича таксимлаш булиб, у хам муайян фойдали ахборотга эга. Республика худуди иктисодий ривожланиш даражаси кишиларнинг фаровонлиги ва демографик ривожланиши билан фарк килади. Мехнат ресурсларини шакллантиришнинг минтакавий хусусиятлари, аввало, демографик ва ижтимоий-иктисодий омиллар таъсири билан богликдир. Демографик омилларга ахолининг такрор ишлаб чикарилишидаги жадаллик киради. У хал килувчи даражада тугилиш даражаси билан боглик. Бy даража канчалик юкори булса, мехнатга кобилиятли ёшдаги ахоли, демак, мехнат ресурслари шунчалик тез усади.
Ижтимоий-иктисодий омиллардан мехнат ресурсларини шакллантириш учун анча ахамиятлиси минтакадаги ишлаб чикариш ва иктисодий коньюнктура тузилмасининг хусусиятлари (мехнат унумдорлигининг усиши)ни айтиб утиш мумкин. Бу хол ишловчи усмирлар ва ишловчи пенсионерлар сонига таъсир килади. Иш уринларининг, айникса, усмирлар ва катта ёшдаги ишловчилар мехнатидан фойдаланишга мос келадиган иш уринларининг мавжудлиги ишлаб чикариш тузилмаси билан боглик.
Иктисодий коньюнктура иш кучига булган талабни ошириш ёки камайтириши мумкин. Бу билан мехнат сохаси кенгаяди ёки тораяди, тегишли равишда караб чикилаётган мехнат ресурсларининг ишлаши учун имкониятлар купрок ёки озрок булади.