Mehnat bozori infratuzilmasini rivojlantirish

7-jadval. Toshkent shahar Shayxontohur tumanida ish bilan band aholi soni va tarkibining o’zgarishi, ming kishi

							Y i l l a r					2013 yilda
												2000 yilga
№	Ko’rsatkichlar				2000	2005		2011		2012	2013	nisbatan
												o’zgarishi
												(%)
1.	Ish bilan		band	aholi	119,1	130,1		160,8		162,2	162,2	136,2
	soni
	shundan:
	Iqtisodiyotning rasmiy
1.1.	sektorida		ish	bilan	79,6	89,5		115,5		128,3	133,1	167,2
	bandlar, shundan:
	Iqtisodiyot		tarmoq-
	larida ish bilan bandlar
1.1.1.	(kichik	korxona		va	28,3	31,8		41,1		39,7	39,8	140,6
	mikrofirmalardan
	tashqari)
	kichik	korxona		va
1.1.2.	mikrofirmalarda			ish	28,1	31,4		41,0		45,7	48,0	170,8
	bilan bandlar
1.1.3.	Dehqon	xo’jaliklarida			0,8	0,8		0,7		0,7	0,6	75,0
	ish bilan bandlar
	Soliq		organlarida
1.1.4.	ro’yxatdan		o’tgan		16,3	18,6		24,0		24,8	25,2	154,6
	yakka	tadbirkor-likda
	ish bilan bandlar
1.1.5.	boshqalar				6,0	6,9		8,7		17,3	19,5	325,0
	Iqtisodiyotning
1.2.	norasmiy sektorida ish				38,5	39,7		44,4		32,8	28,3	73,5
	bilan bandlar
	Respublikadan
1.3.	tashqariga		ishlash		1,0	0,9		0,9		1,0	0,8	80,0
	uchun ketganlar

• 
  Manba: Toshkent shahar Shayxontohur tumani Bandlikka ko’maklashish va aholini ijtimoiy muhofaza qilish markazi ma’lumotlari
  

41
7-jadvaldan ko’rinib turganidek, 2000-2013 yillar davomida tuman bo’yicha ish bilan band aholi soni 119,1 ming kishidan 162,2 ming kishiga yoki 36,2 foizga ortgan. Ish bilan band aholi iqtisodiyotning rasmiy sektorida ish bilan bandlar, iqtisodiyotning norasmiy sektorida ish bilan bandlar va respublikadan tashqariga ishlash uchun ketganlardan tarkib topadi.

Tahlillar ko’rsatishicha, Shayxontohur tumanida iqtisodiyotning rasmiy sektorida ish bilan bandlar soni 2000 yildagi 79,6 ming kishidan 2013 yilda 133,1 ming kishiga yoki 67,2 foizga ko’paygan. Iqtisodiyotning rasmiy sektorida ish bilan bandlar tarkibiy jihatdan iqtisodiyot tarmoqlarida ish bilan bandlar, kichik korxonalar va mikrofirmalarda ish bilan bandlar, dehqon xo’jaliklarida ish bilan bandlar, soliq organlarida ro’yxatdan o’tgan yakka tadbirkorlikda ish bilan bandlardan iborat.

Olib borilgan tahlillar iqtisodiyot tarmoqlarida ish bilan bandlar sonining 40,6 foizga, kichik korxonalar va mikrofirmalarda ish bilan bandlar sonining 70,8 foizga, soliq organlarida ro’yxatdan o’tgan yakka tadbirkorlikda ish bilan bandlar sonining esa 54,6 foizga ortganligini, dehqon xo’jaliklarida ish bilan bandlar sonining esa 25 foizga kamayganligini ko’rsatadi.

Jadval ma’lumotlarini tahlil qilish iqtisodiyotning norasmiy sektorida ish bilan bandlar sonining 38,5 ming kishidan 28,3 ming kishiga yoki 26,5 foizga, respublikadan tashqariga ishlash uchun ketganlar sonining esa 2000 yildagi 1 ming kishidan 2013 yilda 0,8 ming kishiga yoki 20 foizga kamaygan.

Jadvaldan keltirilgan ma’lumotlardan xulosa qilish mumkinki, tahlil qilinayotgan davrda (2000-2013 yillarda) tuman bo’yicha ish bilan bandlar tarkibida iqtisodiyotning rasmiy sektorida bandlar ulushi 2000 yildagi 66,8 foizdan 2013 yilda 80,0 foizgacha ortgan, aksincha norasmiy sektorda ish bilan bandlar ulushi 32,4 foizdan 17,5 foizgacha, respublikadan tashqariga ishlash uchun ketganlar ulushi esa 0,8 foizdan 0,5 foizgacha qisqargan.

O’zbekiston Respublikasi Vazirlar Mahkamasining 2012 yil 20 apreldagi “Qoraqalpog’iston Respublikasi, viloyatlar va Toshkent shahrida ishbilarmonlik

42
muhitining holati va ijtimoiy-iqtisodiy rivojlantirish darajasi indikatorlarini har chorakda baholash tizimini tasdiqlash to’g’risida”gi 117-sonli qarori⁴³ ilovasiga ko’ra mamlakatda mehnat bozoridagi tanglik darajasini baholash mezonlari ishlab chiqilgan (8-jadval).