Mehmonxona xo’jaligi korxonalarida buxgalteriya hisobini takomillashtirishning o’ziga xos xususiyatlari

MEHMONXONA XO’JALIGI KORXONALARIDA BUXGALTERIYA HISOBINI TAKOMILLASHTIRISHNING O’ZIGA XOS XUSUSIYATLARI
Raximov Faxriddin Shavkatovich magistrant talaba, UrDU, Urganch

Annotatsiya. Mazkur maqola shuni ko'rsatadiki, O’zbekiston Respublikasida mehmonxona biznesining buxgalteriya tizimida yuzaga kelayotgan ko'plab muammolarga yechim topish. Mehmonxonalar industriyasi va uning tarkibiga kiruvchi xo’jaliklar uchun takomillashgan buxgalteriya tizimini yaratish va ta'minlashning o’ziga xos xususiyatlari, mehmonxonada yuzaga keladigan ortiqcha qog’ozbozlik o’rniga elektron hujjatlar tizimini yaratish chora tadbirlari ko’rib chiqilgan.
Kalit so’zlar: mehmonxona biznesi, buxgalteriya hisobi, takomillashgan buxgalteriya tizimi, moliyaviy hisobotlar, elektron hujjatlar tizimi, raqamli iqtisodiyot.
Kirish. Dunyoning ko'plab mamlakatlarida turizmni rivojlantirish orqali yangi ish o'rinlari yaratilmoqda, mehmonxona sanoati izchil rivojlanmoqda. Mehmonxona biznesi kapital qo‘yilmalarining samaradorligi bo'yicha jahondagi eng ko'p foyda keltiradigan biznes turlaridan biri hisoblanadi. Bu biznesni rivojlanishini ta’minlash maqsadida zamonga mos xizmatlar ishlab chiqarishida va ularni tannarxini pasaytirishda xizmat qildigan asosiy qismi bu uning buxgalteriya tizimi hisoblanadi.
Mavzuning о‘rganilganlik darajasi. Mijozlarni jalb qilish uchun mehmonxonalar o’z xizmatlarini taqdim etishning ko'plab yangi formatlardagi kompleks xizmat paketlarini yaratib kelishmoqdalar. Sayyohlarning o'sishi sababli ushbu turdagi xizmatlarning narxini shakllantirishda va xarajatlar tarkibini mukammallashtirishda mehmonxonada buxgalteriya tizimi qiyinchiliklarga duch keladi. Shu sababli xizmatlar paketi zamonaviylashishiga nisbatan proporsianal ravishda mehmonxonada uning buxgalteriya tizimini takomillashtirib borish zarur. To’g’ri mehmonxona biznesida buxgalteriya tizimi ko’zga ko’rinmaydigan qism hisoblanadi ammo buxgalteriya hisobi har bir biznesning yuragi hisoblanadi shu sababli uni vaqtida takomillashtirib borilmasa bu biznes o’zining moliyaviy holatini to’g’ri ko’ra olmasligiga sababchi bo’ladi.