Mehmonxona biznesi

Mehmondo„stlik sanoati falsafasi

Hozirgi mehmondo‗stlik sanoati falsafasi avvalgisidan ancha farq qiladi. Oldinlari menejerlar faqat rejalashtirgan, tashkil qilgan, tadbiq etgan va hisob-kitob qilgan bo‗lsalar, hozir menejerlardan hamkasblari bilan maslahatlashish va maslahatlar berish, ularni moddiy taraflama ta‘minlash va ularni o‗zlari haqida qayg‗urishlariga yordam berish talab qilinadi. Buning natijasi esa faol boshqaruv tizimi, ishchilarning ma‘suliyatining ortishi va rahbariyat va mehmonlarning qoniqishlaridir. Misol uchun, ―Ritz-Carlton‖ ishchilari mehmonning ko‗nglini cho‗ktirmaslik va hursand qilish uchun 2000$ sarflashlariga to‗g‗ri keldi. Kelin otelga kelib kelin ko‗ylagini dazmol qilish xizmatiga topshirgandi. Dazmol qilish

jarayonida esa bu ko‗ylak kuydirib qo‗yildi. Bunda konserj yordamga keldi va kelinni boshqa kelin ko‗ylaklari saloniga olib bordi. U erda ular 1800 AQSH doll. atrofidagi nafostli ko‗ylakni tanlashdi. Bu ko‗ylak avvalgisidan ham yaxshiroqligi kelinni ham hursand qildi. Boshqarish falsafasi sifatdagi birinchilikka va Umumiy sifat boshqaruviga (TQM – Total Quality Management) asoslanadi. (TQM haqida keyingi bo‗limlarda gaplashamiz).

Jamoa falsafasi tashkilotdagi etik, ma‘naviy, adolat va tenglikka tayangan qadriyatlarni ham o‗z ichiga oladi. Mahsulotga e‘tiborni qaratish fikri o‗rnini mehmon talablariga mos xizmat ko‗rsatish g‗oyasi egallamoqda. «Qanday qilib bo‗lsa ham» falsafasi «Bu mening ishim emas» falsafasidan ustun kelmoqda. Innovatsiya va yaratuvchanlik «Bizning yo‗limiz shu» deb bir chiziqdan chiqmay ishlashdan ko‗ra afzal ko‗rilyapti. Jamoa falsafasini ilg‗or surayotgan kompaniyalargina bozorda yutuqlarga erishmoqda. Disney korporatsiyasi jamoa falsafasini yaxshi qo‗llayotgan tashkilotlardan biridir. Bu haqda keyinroq yana to‗xtalib o‗tamiz.