Media nazariyasi va amaliyoti kafedrasi

Tadqiqot obyekti va predmeti: Obyekt sifatida bolalar mamlakatimizda nashr qilinadigan bolalar nashrlaridan “Dono Word” hamda Rossiyaning “Мурзилка” jurnali tanlandi. Oʻzbekiston matbuotida bolalar nashrlari materiallari, bolalar jurnalistikasi xususiyatlari, koʻtarilayotgan mavzular, materiallarning tili, uslubi va janrlari tadqiqotning predmetini tashkil etadi. Ijodiy ishlab chiqarish jarayonlari ishning predmetini belgilab beradi.
Tadqiqotning ilmiy yangiligi: Matbuotda, umuman jurnalistikada birorta yangilik dunyoga kelar ekan, unga munosabat bildirish jurnalistikaning fan sifatidagi birinchi galdagi vazifasi sanaladi. Masalaga shu nuqtayi nazardan yondashganda, mazkur mavzu doirasida jahon olimlari tadqiqot olib borishgan. Keyingi yillarda bolalar jurnalistikasi imkoniyatlarining kengayishi, ularning rivojlanishi bilan talablarning yangicha koʻrinishlari vujudga keldi. Hozirgi kunning bolalariga qay saviyadagi koʻrsatuvlar manzur, qaysi yoʻnalishdagi maqolalar qiziq hamda bolalar uchun moʻljallangan materiallarni tayyorlashda jurnalistlar mahorati qay darajada kabi savollarga oydinlik kiritish; hamda kuzatuvlar natijasida, mavzuni oʻrganib chiqish mobaynida egallangan bilimlarga tayangan holda ularni chuqur tahlil etish ishning ilmiy yangiligini belgilab beradi.
Ishning nazariy va amaliy ahamiyati: Bolalar nashrlari va bolalar uchun moʻljallangan telekanallarda faoliyat olib borayotgan koʻplab jurnalistlar bor. Ularning mavzuni oʻrganish, tahlil qilish va oʻquvchiga, tomoshabinga yetkazish tajribasi turlicha. Jurnalistlar mahorati masalalarida ayrim kamchiliklar mavjud. Chuqur tahlil va manba bilan ishlash mahorati pand beradi. Telekanallar va nashrlar tahririyatlarida faoliyatni tashkil etishda yangicha qarashlarni olib kirish amaliy jihatdan muhim ahamiyatga ega. Shu nuqtayi nazardan mazkur tadqiqot jurnalistika sohasiga endigina kirib kelayotgan ijodkorlar va jurnalistika fakultetlarida tahsil olayotgan talabalarga ham amaliy, ham nazariy jihatdan ahamiyatga ega.