Mazu: Tashqi uskunalarning interfeyslari Rera: 1-Xotira turlari

Uchinchi darajadagi KESh (Level 3 Cache) server ilovalari uchun mo‘ljallangan ayrim protsessorlarida bo‘ladi, xolos. Zamonaviy kompyuterlarda bir vaqtning o‘zida ikkinchi darajadagi KESh bo‘lgan tashqi KESh eski kompyuterlarda tizimli platada joylashgan va protsessorning tizimli shinasi chastotasida masalan, 33 yoki 66 MGs da, ishlaydi. 384, 486 MGs chastotali protsessorli kompyuterlarda va Pentiumning birinchi avlodlarida KEShning ishlash tezligi tezkor xotira mikrosxemasining tezkor harakatidan juda kam farqlanadi, unumdorlikdagi yutuq esa tezkor axborotning mikrosxemalari regeneratsiya siklini bajarayotgan paytlarda protsessorning turib qolishiga barham berilganligi evaziga qo‘lga kiritiladi.

"Doimiy eslab qoluvchi uskuna" (PZU - DEqU) yoki Read Only Memory (ROM) termini ko‘pincha ma’lumotlarini o‘qish mumkinu, ammo ularni o‘zgartirish mumkin bo‘lmagan mikrosxemalarni belgilash uchun ishlatiladi. Har bir shaxsiy kompyuterda, albatta, bir nechta PZU (DEqU) mikrosxema mavjud. Masalan, kompyuter yoqilganida birinchi bo‘lib 1-2 M bayt hajmli PZU mikrosxemasiga yozilgan BIOS dasturi ishga tushiriladi. PEU mikrosxemalarning harakatlari tezligi tezkor xotiraning mikrosxemalaridagiga qaraganda bir daraja (pog‘ona) pastroq.

Shuni ta’kidlash lozimki, PZU mikrosxemalarining ko‘plab turli xil tiplari ishlab chiqilgan - ularning bir xillariga ma’lumotlarni faqat bir marta yozish mumkin, boshqalari esa axborotning ko‘plab marotaba qayta yozilishiga ham chidaydi. So‘nggi vaqtlarda esa PZU larda axborotni 1 million martagacha qayta yozishga imkon beruvchi flesh xotira mikrosxemalarini ishlatish eng ko‘p darajada ommaviylashdi.