Мазкур ўқув услубий мажмуа фаннинг ишчи ўқув дастури ва ишчи ўқув режасига мувофиқ ишлаб чиқилди

АВ синф кучайтиргичлар. АВ кучайтириш режимида ишчи нуқта беркитиш чегарасида эмас, балки ЭЎ тўғри (затвор-исток ўтиш тескари) силжитилган соҳада, А синфидагига қараганда анча кичик токларда бўлади.
ФИКи кичик бўлгани сабабли А синф микроэлектроникада кам ишлатилади. В ва АВ синфларнинг икки тактли кучайтиргичлари кенг тарқалган.
D синф кучайтиргичлари. Улар импульсли қувват кучайтиргичларда ишлатилади. D синф шунингдек, калит режим деб ҳам номланади. Ушбу ишчи режимда транзистор фақат очиқ ёки берк ҳолатда бўлиши мумкин. Шунинг учун бундай кучайтиргич каскаднинг ФИК бирга яқин бўлади.
D синфда ишлаётган кучайтиргичнинг чиқиш кучланиши ҳамма вақт тўғри бурчакли импульс кўринишига эга бўлади ва кириш сигналининг кучайтирилиши ёки унинг давомийлиги ёки фазаси ўзгариши ҳисобига амалга ошади.


11.5. Кучайтиргичларда тескари алоқа


Тескари алоқа (ТА) деб, кучайтиргич чиқиш занжиридан кириш занжирига энергия узатишга айтилади. Чиқиш сигнали кучайтиргичнинг кириш занжирига тўлиқ ёки қисман узатилиши мумкин. Битта каскадни эгаллаган ТА маҳаллий, кўп каскадли кучайтиргични бутунлай эгаллаган ТА эса умумий деб аталади.
Умумий ҳолда ТА сигнали кириш сигналига қўшилиши ёки айирилиши мумкин. Шунга қараб, мос равишда, мусбат ва манфий ТАга ажратилади. Агар кучайтиргичнинг кириш сигнали ва ТА сигнали фазалари бир хил бўлса, ТА мусбат, агар π бурчакка фарқ қилса, яъни фазалари тескари бўлса, ТА манфий деб аталади.
Манфий ТАнинг киритилиши, транзистор ишлаш шароити ўзгарганда, кучайтиргичнинг кучайтириш коэффициенти ва бошқа параметрлари барқарорлигини оширади. Бундан ташқари, манфий ТА кучайтиргичнинг ўтказиш полосасини ошириш имконини бера-ди, ночизиқли бузилишлар даражасини пасайтиради.
Манфий ТА кучайтиргичларда, мусбат ТА эса электр сигналлар генераторларида ва махсус электрон қурилмаларда ишлатилади.
ТАли кучайтиргичнинг тузилиш схемаси 11.8-расмда келтирилган. Бу ерда, К – кучайтириш коэффициенти, ТА занжири ТА коэффициенти æ билан ифодаланади. Чиқиш сигналинининг қандай қисми кучайтиргич киришига узатилаётганини æ кўрсатади.
Кучайтиргичларда манфий ТАнинг турли кўринишларидан фойдаланилади. ТА занжири кучайтиргич чиқишига қандай уланганига мос равишда кучланиш бўйича ва ток бўйича ТА амалга оширилади.