Мазкур ўқув услубий мажмуа фаннинг ишчи ўқув дастури ва ишчи ўқув режасига мувофиқ ишлаб чиқилди

Кучайтиргичларнинг чиқиш каскадлари. Кучайтиргичларнинг чиқиш каскадлари (ЧК) юкламада 0,01÷10² Вт бўлган етарлича катта қувватни таъминлаши зарур. Бунинг учун ЧКлари транзисторлари ток ва кучланишларнинг катта қийматларида ишлаши керак. Демак, кучланиш манбаининг асосий қувватини истеъмол қилиши керак. Шунинг учун ФИКни ошириш мақсадида сокинлик режимида (яъни сигнал бўлмаган ҳолда) каскаднинг токи нолга яқин бўлиши мақбул.
Эмиттер қайтаргич турдаги бир тактли ЧКлар А синф режимида ва уларнинг ФИКнинг кичиклиги сабабли чиқиш қувватининг кичик қийматларида ишлайди.
Чиқиш қуввати катта ЧКларда фақат икки тактли кучайтиргич каскадлар ишлатилади. Бундай кучайтиргичлар В ва АВ синф режимларида транзисторларнинг кетма-кет ишлаши билан таъминланади.
Комплементар БТ (КБТ) ва инжекция-вольтаик транзистор (ИВТ)лар асосидаги В синфда ишлайдиган икки тактли кучайтир-гич схемаси 12.6,а ва б-расмда кўрсатилган: VT1 транзистор n–p–n, VT2 транзистор эса - p–n–p тузилишга эга. Транзисторлар эмиттер занжирига юклама R_Ю уланган бўлиб, иккала схема кучланиш қайтаргич (эмиттер қайтаргич) режимида ишлайди.
Схемада абсолют қийматлари тенг + Е_М ва - Е_М икки қутбли кучланиш манбалари ишлатилган. Сокинлик режимида ЭЎларда кучланиш нолга тенг бўлгани учун иккала транзистор берк бўлиб, кучланиш манбаидан энергия сарфланмайди.
Киришга U_КИР нинг мусбат ярим даври берилганда VT1 транзистор очилади ва юклама орқали I_Э1 ток оқиб ўтади. Манфий ярим даврда VT2 транзистор очилади ва I_Э2 ток юкламадан қарши йўна-лишда оқиб ўтади. Қувват кучайтирилиши фақат ток кучайтирилиши ҳисобига амалга ошиб, эмиттер ва база токлари нисбатига тенг, яъни β+1 бўлади. Кучайтиргичнинг максимал ФИК η = 78,5 % ни ташкил этади.
Афсуски, В синф кучайтиргичлар катта ночизиқли бузилишларга эга. Бузилишлар ҳосил бўлишига транзистор кириш ВАХ бошланғич соҳасининг ночизиқлиги сабабдир. Кучайтиргич узатиш характеристикасидаги чиқиш сигнали шаклини кўриб чиқамиз (12.7-расм). Кўри-ниб турибдики, сигналнинг штрихланган соҳалари кучайтирилмайди, яъни сигнал шакли бузилади. Бундай бузилишлар, айниқса, кириш сигнали амплитудаси U^* кучланишга яқин (U_КИР ≤ 0,7 В), яъни транзисторлар амалда берк бўлганда сезиларли бўлади.
а) б)

12.6-расм. В синфида ишлайдиган икки тактли кучайтиргич схемалари: БТ (а) ва ИВТли (б).

12.7-расм. Узатиш характеристикасида кучайтиргич
чиқиш сигналининг шакли.

Ночизиқли бузилишларни олдини олиш учун транзисторлар базаларига сатҳ силжитувчи схема ёрдамида силжитувчи кучланиш берилади.

ЧКнинг АВ синфида ишлашини таъминлаш учун қўлланиладиган анъанавий схемалардан бири 12.8-расмда келтирилган. Транзисторлар базалари орасига алоҳида силжитувчи кучланиш берилади. Бундан ташқари, транзисторлар ўта юкланишдан, масалан, юклама электроди тасодифан кучланиш манбаининг электродига уланишидан ҳимояланган.