Mazkur uslubiy qo’llanmada Microsoft Office amaliy dasturi tarkibiga kiruvchi excel elektron jadvali imkoniyatlari, unda ishlashning zaruriy ma’lumotlari keltirilgan

Katakdagi malumotlarni tekislash.

Odatda, matnlar katakning chap tarafidan, sonli qiymatlar esa o’ng tarafidan tekislanadi. Katakdagi yozuv chegaralarini turli tartibda tekislash rejimlarini o’rnatish mumkin. Buning uchun kerakli kataklar ajratilib uskunalar panelidagi turli tomonli formatlash piktogrammalaridan keraklisi tanlanadi. Bu ishni bosh menyuning Format-yacheyki/vыravnivanie buyrug’i yordamida ham bajarish mumkin.

Shriftlar, ramkalar, ranglar bilan bezash.

Ajratilgan katakdagi malumotlarni to’q holatga, kursiv, tagiga chizilgan kabi holatlarga o’tkazish uskunalar panelidagi formatlash piktogrammalaridan foydalanib bajarilishi mumkin. Shuningdek bu ishlarni Format-format yacheek buyrug’i yoki [ctrl-1] tugmalari yordamida muloqot oynasini chaqirib bajarish ham mumkin. Ushbu oyna yordamida yuqori, pastki indekslarda yozish rejimlarini o’rnatish ham mumkin.

Formatlash ko’rinishlaridan yana biri ramkalar hisoblanadi. Ramkalar – bu ayrim ajratilgan kataklar, kataklar guruhi atroflarini chiziqlar bilan o’rab chiqish demakdir.

Formatlash panelida joylashgan tugma yordamida 12 ta ajoyib bezatilgan piktogrammalarni ochish mumkin. Ajratilgan katak yoki guruhga ramkalarning qo’shimcha chiziqlarini qo’shish uchun sichqoncha ko’rsatkichini piktogrammalar guruhidagi kerakli ramkaga olib borib chertish kerak. Piktogrammalar yordamida ramkalar qo’yiladi va olib tashlanadi.

«Fon rangi»(stvet fona) uskunasi ajratilgan katak yoki guruh fonini o’zgartirish uchun qo’llaniladi. «Shrift rangi»(stvet shrifta) uskunasi belgilar rangini o’zgartirish uchun qo’llaniladi.