Mazkur uslubiy qo’llanmada Microsoft Office amaliy dasturi tarkibiga kiruvchi excel elektron jadvali imkoniyatlari, unda ishlashning zaruriy ma’lumotlari keltirilgan

Kataklarni ajratish

Eng kichik ajratilgan oraliq bu katakdir. Jadval kursori qaysi katakda turgan bo’lsa, o’sha katak ajratilgan hisoblanadi. Ushbu katak chegaralari ingichka qora chiziq bilan belgilangan bo’ladi. Bajariladigan buyruqlar ana shu ajratilgan katakka tegishli bo’ladi. Bir katakdan ikkinchi katakka jadval kursorini harakatlantirish uchun sichqonchadan yoki klaviaturadan foydalanish mumkin.
Ko’pincha biror amalni bir nechta kataklar guruhi ustida bajarishga to’\ri keladi. To’rtburchak kataklar guruhini ajratish uchun shu to’rtburchak bir burchagida sichqoncha tugmasini bosib turib diognal bo’yicha joylashgan boshka burchagiga tortib olib borib qo’yvoramiz. Bir satrni yoki ustunni ajratish uchun uning sarlavhasida sichqonchani chertish kerak. Bir necha satr yoki ustunni ajratish uchun sarlavhalar ustida sichqoncha tugmasi bosib tortiladi.
Klaviatura yordamida kataklar guruhini ajratish uchun Shift tugmasi bosilib turib yunalish tugmalaridan foydalanish mumkin. Shuningdek F8 tugmasi bosilib qo’yilsa, holat satrida VDL belgisi ajratiladi va biz yo’nalish tugmalari orqali guruhni ajratishimiz mumkin. F8 ni qayta bosish rejimni bekor qiladi. Ajratishni bekor qilish uchun ajratilgan oraliqdan tashqarida sichqoncha tugmasi bosiladi.

Bir joyda bo’lmagan kataklar guruhlarini ajratish

Yuqoridagi usul bilan jadvalning faqat bir joyida kataklar guruhini ajratish mumkin. Boshqa bir guruhni ajrata boshlasak, avvalgi ajratish bekor qilinadi. Bir-biriga qo’shni bo’lmagan bir necha kataklar guruhini tanlash uchun birinchi kataklar guruhini ajratib, so’ng Shift-F8 ni bosamiz. Holat satrida DOB so’zi ajratiladi, bu qo’shni bo’lmagan kataklar guruhlarini ajratish belgisidir. Endi boshqa oraliqlarni Ctrl tugmasini bosgan holda sichqoncha yordamida ajratishimiz mumkin. Bir joyda bo’lmagan kataklar guruhi ustida nusxalash, ko’chirish amallarini bajarib bo’lmaydi, ularni olib tashlash, formatlash, malumot kiritish amallarini bajarish mumkin.