Mazkur ishchi o‘quv dasturi Bioinjeneriya va oziq-ovqat xavfsizligi fakulteti Kengashining 2020 yil " " dagi yig‘ilishida muhokama qilinib, tasdiqlash uchun tavsiya etilgan.

Ko’rgazmali vositalar tayyorlash. « Dorivor o’simliklar urug’chiligi va ko’chatchiligi » fanidan tavsiya etilgan mavzu bo’yicha referat bajarish ushbu mavzuni bayon qilish va yaxshiroq o’zlashtirish uchun imkon beruvchi ko’rgazmali materiallar tayyorlash vazifasi bilan almashtirilishi mumkin. Mavzu o’qituvchi tomonidan aniqlanib, talabaga tegishli ko’rsatma va yo’l-yo’riqlar beriladi. Ko’rgazmali vositalarning mikdori, shakli va mazmuni talaba tomonidan mustaqil ravishda tanlanadi. Bunday vazifani bir mavzu bo’yicha bir nechta talabaga yoki talabalar guruhiga topshirishga yo’l qo’yiladi.
Mavzu bo’yicha testlar, munozarali savol va topshiriqlar tayyorlash.
Fandan tavsiya etilgan mustaqil ish mavzusi bo’yicha referat tayyorlash ushbu mavzu bo’yicha testlar, murakkablik darajasi turlicha bo’lgan topshiriqlar, munozaraga asos bo’la oladigan savollar tuzish vazifasi bilan almashtirilishi mumkin. Bunda talabaga o’qituvchi tomonidan test savollari tayyorlashga ko’yiladigan talablar va uni tuzish tartib-qoidalari, kanday maqsad ko’zda tutilayotganligi, muammoli savollar tuzishda mavzuning munozarali jihatlarini qanday ajratish lozimligi, topshiriqlarni tuzish usullari bo’yicha tegishli ko’rsatmalar beriladi.
Ilmiy maqola, tezislar va ma’ruzalar tayyorlash. Talabaga biron-bir mavzu bo’yicha (mavzuni talabaning o’zi ham tanlashi mumkin) ilmiy maqola, tezis yoki ma’ruza tayyorlash topshirilishiga yo’l qo’yiladi. Bunda talaba o’quv adabiyotlari, ilmiy-tadqiqot ishlari, dissertatsiyalar, maqola va monografiyalar hamda boshqa axborot manbalaridan mavzuga tegishli materiallar to’playdi, ularni umumlashtiradi va tahlil etadi.
Talabalarning ilmiy-nazariy konferentsiyalari ham talabalar mustaqil ishining shakllaridan biridir. Bunda kafedra professor-o’qituvchilari mutaxassislik bo’yicha talabalarning qiziqishlarini hisobga olgan holda tabaqalashtirib tashkil qilishi talab etiladi. Shundagina ilmiy-nazariy konferentsiyada talabalarning faol ishtirok etishga va manfaatdorligi talab darajasida ta’minlanadi.
Talabalarning soha bo’yicha eng yaxshi ma’ruzasi umum universitet ilmiy-nazariy konferentsiyasiga taqdim etiladi.
Barcha mutaxassisliklar uchun yagona bo’lgan konferentsiya mavzusini tasdiqlab, talabalarning ma’ruza va chiqishlarini ularning qiziqishlariga qarab moslashtirishga yo’l qo’yiladi.