Mazkur ishchi o‘quv dasturi Bioinjeneriya va oziq-ovqat xavfsizligi fakulteti Kengashining 2020 yil " " dagi yig‘ilishida muhokama qilinib, tasdiqlash uchun tavsiya etilgan.

2 .3. -rasm. Ho’l mevalarning turli vakillari.
Ko’p urug’li ho’l mevalar umumiy nom bilan rezavor mevalar deb ataladi. Rezavor mevalar bitta yoki bir nechta bargchadan hosil bo’ladi, tashqi tomondan yupqa po’st bilan qoplanadi, ichki tomonda esa ko’p urug’li seret meva qati bo’ladi. Uzum, pamidor, limon rezavor mevaga misol bo’ladi. Qovoqlar meva qatining tashqi qismi qattiq bo’lgan uch uyali rezavor mevalardir (masalan, qovoq,tarvuz, bodiring). Meva qatining tashqi qismi seret va ichi qattiq pardadan hosil bo’lgan olma, nok, behi ham shu mevalar tipiga kiradi ( 3-rasm).
Urug’larning tiplari va morfologiyasi. Ma’lumki, har bir gulli o’simliklarning rivojlanish jarayonida, ma’lum vaqtdan so’ng to’liq (barcha asosiy organlar paydo bo’ladi) shakllanadi va urug’ hosil qiladi.
Urug’dan urug’ hosil bo’lguncha o’tgan davr ontogenez yoki o’simlik organizmining individual rivojlanish davri deb ataladi. U o’z navbatida bir necha bosqichlardan iborat (yuvenil, virginil, yosh virginil, immitur, generativ, sinil davrlar). Gulli o’simliklar ontogenezining davomliligi bir-birinikidan katta farq qilishiga qaramay, har bir individning hayoti urug’ning unib chiqishidan boshlanib, urug’ hosil bo’lishi bilan tamomlanadi.
Urug’ unib chiqishi, ya’ni murtagi rivojlanishi uchun, albatta, zahira oziq moddalar bo’lishi shart. Bu moddalarning vazifasi urug’ning rivojlanayotgan murtagini oziqlantirib turishdan iborat, chunki bu vaqtda murtak xali tashqaridan oziqlana olmaydi. Shuning uchun gulli o’simliklarning har bir urig’ida, murtakdan tashqari, alohida to’qimalarda –endosperm yoki perispermda zahira oziq moddalar to’planadi.
Urug’lar quyidagi tiplarga bo’linadi.
Endospermsiz urug’lar. Urug’dan murtakning unib chiqishi uchun kerakli zahira oziq moddalar murtakning o’zida, ya’ni urug’ pallalarida to’plangan bo’lsa, endospermsiz urug’lar deyiladi. Bu urug’lar dukkakdoshlar murakkabguldoshlar, qovoqdoshlar oilalarining vakillarida uchraydi.