Mazkur ishchi o‘quv dasturi Bioinjeneriya va oziq-ovqat xavfsizligi fakulteti Kengashining 2020 yil " " dagi yig‘ilishida muhokama qilinib, tasdiqlash uchun tavsiya etilgan.

5-modda. Urug’chilik ob’ektlari
Urug’chilik ob’ektlari jumlasiga quyidagilar kiradi:
nav; duragay; populyatsiya; urug’liklar; urug’lik yetishtirish uchun foydalaniladigan urug’lik ekinlar. (5-moddaning oltinchi xatboshisi O’zbekiston Respublikasining 2019 yil 12 noyabrdagi O’RQ-583-sonli Qonuni tahririda - Qonun hujjatlari ma’lumotlari milliy bazasi, 13.11.2019 y., 03/19/583/4016-son)
6-modda. Urug’chilik sub’ektlari
Urug’chilik sub’ektlari jumlasiga quyidagilar kiradi:
navning muallifi; urug’lik yetishtiruvchi; urug’liklarni realizatsiya qiluvchi; urug’liklarning iste’molchisi (urug’liklardan foydalanuvchi); urug’liklarning genetik (nav) va ekinboplik sifatlarini aniqlash bo’yicha xizmatlar ko’rsatuvchi tashkilot.
7-modda. Urug’chilik sub’ektlarining huquqlari
Urug’chilik sub’ektlari quyidagi huquqlarga ega:
urug’chilik sohasidagi davlat dasturlarini va boshqa dasturlarni amalga oshirishda ishtirok etish;
selektsiya yutuqlaridan foydalanish;
urug’liklarning ko’rgazma-savdolarida (kimoshdi savdolarida) ishtirok etish;
o’z faoliyatida innovatsion texnologiyalardan foydalanish va ilm-fan yutuqlarini joriy etish;
urug’lik yetishtirish bo’yicha resurslarni tejovchi texnologiyalarni qo’llash.
8-modda. Urug’chilik sub’ektlarining majburiyatlari
Urug’chilik sub’ektlari:
urug’lik yetishtirish uchun foydalaniladigan maydonlarning davriy aprobatsiyadan o’tkazilishini ta’minlashi;
vakolatli organ tomonidan tasdiqlangan urug’liklarni yetishtirish sxemalarining texnologik talablariga, ularni saqlash hamda realizatsiya qilish qoidalariga rioya etishi, shuningdek urug’liklarning sifat va miqdor jihatidan saqlanishini ta’minlashi;
urug’liklarni realizatsiya qilishda urug’lik to’dasiga berilgan muvofiqlik sertifikatini, shuningdek duragaylar va navlarning tavsiflarini urug’liklarning iste’molchilariga (urug’liklardan foydalanuvchilarga) taqdim etishi;
vakolatli organlar bilan urug’lik yetishtirish uchun foydalaniladigan maydonlarni aprobatsiyadan o’tkazishi shart.
Urug’lik yetishtiruvchilar, urug’liklarning genetik (nav) va ekinboplik sifatlarini aniqlash bo’yicha xizmatlar ko’rsatuvchi tashkilotlar har bir urug’lik to’dasining genetik (nav) va ekinboplik sifatlari bo’yicha to’liq hisobini yuritishi shart.
(8-moddaning ikkinchi qismi O’zbekiston Respublikasining 2019 yil 12 noyabrdagi O’RQ-583-sonli Qonuni tahririda - Qonun hujjatlari ma’lumotlari milliy bazasi, 13.11.2019 y., 03/19/583/4016-son)