|
Amaliyot bazasidan amaliyot rahbarining imzosi va tashkilotning muhri bilan tasdiqlangan tavsifnoma;
Amaliyot dasturi;
Amaliyot rahbarining imzosi va tashkilotning muhri bilan tasdiqlangan amaliyot kundaligi;
Amaliyot o’tashning kalendar-mavzuli rejasi;
Amaliyot dasturi mavzulari bo’yicha hisobot hujjatlari va tahliliy materiallar.
Hisobotda o’rganilishi lozim bo’lgan har bir mavzu bo’yicha bajarilgan ishlar ko’rsatilib, ilova qilingan hujjatlarga izoh berish talab etiladi.
Tanishuv amaliyoti tugagandan so’ng, hisobot amaliyot tugagan sanadan 10 kun davomida yoki keyingi kurs boshlanishidan 10 kun oldin kafedraga taqdim etiladi. Bunda talaba quyidagilarni topshirishi lozim:
Buyruqdan ko’chirma;
Talaba tomonidan to’ldirilgan va amaliyot rahbarining xulosasi ko’rsatilgan kundalik;
Amaliyot dasturida ko’rsatilgan har bir bo’lim bo’yicha bajarilgan va o’rganilgan ishlar bo’yicha yozma hisobot.
Hisobot tituli dastur ilovasida keltirilgan namunadagi kabi rasmiylashtirilishi lozim. Talabaning hisoboti institutdan tayinlangan rahbar tomonidan tekshirilib, yozma ravishda yozilgan taqriz bilan birga 3 kun ichida talabaga qaytariladi. Taqrizda o’tilgan amaliyot bo’yicha hamda tekshirish uchun qabul qilingan hisobotning kamchiliklari, xatolari, shu bilan birga yutuqlari ham ko’rsatiladi. Talaba hisobotni kafedra mudiri tomonidan tasdiqlangan komissiya oldida himoya qilgunga qadar taqrizda ko’rsatilgan barcha kamchiliklarni bartaraf etish lozim.
Hisobot kafedra tomonidan belgilangan muddatlarda talaba o’z hisobotini kafedra tomonidan tayinlangan komissiya oldida himoya qiladi.
VII. TANISHUV AMALIYOTI NATIJALARINI BAHOLASH TARTIBI VA MEZONLARI
“Investitsiya loyihalarini moliyalashtirish” ta’lim yo’nalishi talabalarining tanishuv amaliyotini tashkil etish jarayoni, hisoboti himoyasi Oliy va o’rta maxsus ta’lim vazirligining “Oliy ta’lim muassasalarida talabalar bilimini nazorat qilish va baholashning reyting tizimi to’g’risidagi Nizom”i hamda “Oliy ta’lim muassasalari talabalarining malakaviy amaliyoti haqidagi Nizom” talablari asosida tashkil etiladi.
Talabalarning tanishuv amaliyoti hisobotining tayyorgarlik darajasi hamda himoya qilishini baholash tartibi va mezonlari 5 baholik tizim asosida quyidagicha baholanadi:
Baho
|
Talabaning bilimiga qo’yilgan talablarning asoslanishi
|
5 (a’lo)
|
talaba dasturda belgilangan mavzular bo’yicha mustaqil xulosa va qaror qabul qiladi, ijodiy fikrlay oladi, mustaqil mushohada yuritadi, olgan bilimini amalda qo’llay oladi, mavzularning mohiyatini tushunadi, biladi, ifodalay oladi, aytib beradi hamda mavzu masalalari bo’yicha tasavvurga ega deb topilganda;
|
4 (yaxshi)
|
talaba dasturda belgilangan mavzular bo’yicha mustaqil mushohada yuritadi, olgan bilimini amalda qo’llay oladi, mavzularning mohiyatni tushunadi, biladi, ifodalay oladi, aytib beradi hamda mavzu masalalari bo’yicha tasavvurga ega deb topilganda;
|
3 (qoniqarli)
|
talaba dasturda belgilangan mavzular bo’yicha olgan bilimini amalda qo’llay oladi, mavzularning mohiyatni tushunadi, biladi, ifodalay oladi, aytib beradi hamda mavzu masalalari bo’yicha tasavvurga ega deb topilganda;
|
2 (qoniqarsiz)
|
talaba dasturda belgilangan mavzularni o’zlashtirmagan, mohiyatini tushunmaydi hamda mavzu masalalari bo’yicha tasavvurga ega emas deb topilganda.
|
Amaliyot natijasi bahosi talabaning kursdan-kursga o’tishi va stipendiya belgilashda hisobga olinadi.
Amaliyot yakuni kafedra yig’ilishi va amaliyot obyektining ishlab chiqarish kengashida muhokama qilinadi.
Institut va fakultet Kengashida amaliyotning natijalariga yakun yasaladi.
Tanishuv amaliyoti himoyasiga qo’yilgan ball saralash bahosi (2 ) bo’lsa, talabaning o’zlashtirish ko’rsatkichi “qoniqarsiz” (akademik qarzdor) deb hisoblanadi.
Talabaning amaliyot obyektiga umuman bormaganligi yoki hisoboti talabga mutlaqo javob bermasligi hamda tanishuv amaliyoti bilan bog’liq amaliy ko’nikmalarga ega bo’lmasligi tanishuv amaliyoti hisoboti bo’yicha “qoniqarsiz” baholanishiga sabab bo’ladi.
Akademik qarzdor talabaga hisobotni qayta topshirishi (himoya qilishi) uchun bir oy muhlat beriladi. Shu muddat davomida ham amaliyot hisobotlarini himoya qila olmagan (2 qoniqarsiz baho olgan) talaba fakultet dekani tavsiyasiga ko’ra belgilangan tartibda rektorning buyrug’i bilan talabalar safidan chetlashtiriladi.
Tanishuv amaliyoti hisoboti himoyasining baholanishidan norozi talabalar natijalar e’lon qilingan kundan boshlab 1 kun davomida fakultet dekanatiga yozma ariza bilan murojaat etishlari mumkin. Bunday hollarda kafedra mudirining taqdimnomasiga ko’ra fakultet farmoyishi bilan 3 (uch) a’zodan kam bo’lmagan tarkibda appelyatsiya komissiyasi tuziladi. Ushbu komissiya ishtirokida tanishuv amaliyoti hisoboti himoyasi qayta tashkil etiladi.
Talabalarning tanishuv amaliyoti hisoboti himoyasi natijalaridan olgan ballari himoya yakunida reyting qaydnomasi va daftarchasiga qayd etiladi.
Tanishuv amaliyoti hisoboti o’rnatilgan tartibda kafedrada saqlanadi.
Tanishuv amaliyoti hisobotini himoya qilmagan talaba o’rnatilgan tartibga muvofiq kursdan kursga o’tkazilmaydi.
1-ilova
№___ ___ ___ 2019 y.
______________
O‘ZBEKISTON RESPUBLIKASI OLIY VA O‘RTA MAXSUS TA’LIM VAZIRLIGI
TOSHKENT MOLIYA INSTITUTI
“G’aznachilik va davlat jamg`armalari” fakulteti
“Baholash ishi va investitsiyalar”kafedrasi
“INVESTITSIYA LOYIHALARINI MOLIYALASHTIRISH” TA’LIM YO’NALISHI BO’YICHA TANISHUV AMALIYOTI
H I S O B O T I
Bajardi:
Rahbar:
T oshkent-2019
Do'stlaringiz bilan baham: |
