Mazkur dastur takomillashgan dts, bakalavriat ta’lim yo‘nalishining malaka talablari va o’quv rejasiga muvofiq ishlab chiqilgan

O’zbekiston Respublikasi Investitsiyalar va tashqi savdo vazirligi va tijorat banklarida tanishuv amaliyotiga biriktirilgan rahbarning vazifalari

Tanishuv amaliyotini o’tash uchun yuborilgan talabaga amaliyotning dastlabki kuni tegishli bo’lim (boshqarma) boshlig’ining buyrug’i asosida amaliyot obyektiga qabul qilinib, unga mazkur tashkilotning xodimlaridan biri rahbar etib tayinlanadi. U amaliyot dasturi va kalendar ish rejasiga muvofiq talabaning amaliyot o’tashini hamda uning natijalarini kundalikda rasmiylashtirilishini nazorat qilib boradi.

O’zbekiston Respublikasi Investitsiyalar va tashqi savdo vazirligi va tijorat banklarida tanishuv amaliyotiga biriktirilgan rahbar:

• 
  talabalarning tanishuv amaliyoti davrida zaruriy amaliy malaka va mutaxassislik mahoratiga ega bo’lishi uchun shart-sharoitlar yaratadi;
  
• 
  talabalarga mavjud me’yoriy hujjatlar, ofis texnikalari, jihozlari hamda adabiyotlardan foydalanish imkoniyatini yaratadi;
  
• 
  talabalalarga dasturda ko’rsatilgan ishlarni to’g’ri tashkil qilish va rejalashtirishga, ish yuritish hujjatlarini to’g’ri tuzishga yordam beradi hamda soha va kasbga oid savollari bo’yicha maslahatlar beradi;
  
• 
  talabalar bilan mehnat muhofazasi bo’yicha majburiy yo’riqnomani tuzadi;
  
• 
  talabalar tomonidan ichki tartib-qoidalar va intizomga rioya qilinishini nazorat qiladi va amaliyotchilar tomonidan intizomni buzish holatlari bo’yicha institutga xabar beradi;
  
• 
  amaliyot yakunida talabaga tavsifnoma yozadi, uning tarkibiga dastur bajarilishi to’g’risidagi ma’lumot, talabaning ishga bo’lgan munosabatiga baho beradi.
  

V. TANISHUV AMALIYOTI MOBAYNIDA TALABANING MAJBURIYATLARI

Talaba tanishuv amaliyotini o’tash davrida quyidagilarga rioya qilishi lozim:

• 
  amaliyot dasturida ko’zda tutilgan va amaliyotga rahbarlik qiluvchi pedagog-xodim tomonidan berilgan topshiriqlarni to’liq bajarish;
  
• 
  O’zbekiston Respublikasi Investitsiyalar bo’yicha davlat qo’mitasi va tijorat banklarida joriy etilgan kun tartibi va ichki mehnat intizomiga doir qoidalarni o’rganib, ularga rioya qilish;
  
• 
  O’zbekiston Respublikasi Investitsiyalar bo’yicha davlat qo’mitasi va tijorat banklarida ofis texnikalaridan foydalanish, texnika xavfsizligi, mehnatni muhofaza qilish va boshqa mehnat faoliyatiga tegishli qoidalarni o’rganib, ularga qat’iy rioya qilish;
  
• 
  hisobot uchun materiallarni yig’ish va o’rganish bilan doimiy ravishda shug’ullanish;
  
• 
  amaliyot bo’yicha reja-jadval (kundalik) tutish, bajarilgan ishlarni qayd etib borish;
  
• 
  dastur va rejada ko’zda tutilgan barcha topshiriqlarni to’liq bajarish hamda bajarilayotgan ish va uning natijalariga mas’uliyatli bo’lish;
  
• 
  O’zbekiston Respublikasi Investitsiyalar bo’yicha davlat qo’mitasi va tijorat banklari tashkilot jamoasining ijtimoiy hayotida va jamoat ishlarida faol ishtirok etish;
  
• 
  har bir amaliyot o’tilgan bo’lim bo’yicha alohida hisobot yuritish;
  
• 
  tanishuv amaliyoti tugashi bilan amaliyot bo’yicha hisobotni kafedraga taqdim etish;
  
• 
  dasturda ko’rsatilgan barcha vazifalar bo’yicha yozma hisobot tayyorlash hamda tanishuv amaliyoti o’talgan O’zbekiston Respublikasi Investitsiyalar bo’yicha davlat qo’mitasi va tijorat banklari boshliqlari tomonidan yozilgan tavsifnomani ilova qilgan holda, hisobotni komissiya oldida himoya qilish.
  

Amaliyot jarayonida talaba amaliyot dasturi bo’yicha amaliy ma’lumotlarni yig’ishga alohida e’tibor qaratishi lozim. To’plangan material hajmi hisobotning nazariy xulosalarini amaliy asoslash uchun yetarli bo’lishi kerak. Hisobot uchun to’plangan materiallar analitik jadval, sxema, diagrammalar ko’rinishida jamlanadi va tegishli xulosalar yasaladi.

Amaliyot davomida talaba institut dekanati tomonidan berilgan kundalikni yuritib, unda har kuni bajargan ishlarini yoritib borishi lozim. Kundalikda bajarilgan ishlar quyidagi shaklda yozib boriladi.

Sana	Amaliyotdagi ish joyi	Bajarilgan ishlar	Rahbarning imzosi

Har bir ish kunining oxirida shu kungi amaliyot uchun rahbarlik qilgan xodimi talabaning bajargan ishlarini kundalik daftariga o‘z imzosini qo‘yishi orqali tasdiqlaydi.

VI. TANISHUV AMALIYOTI BO’YICHA HISOBOT TUZISH, HIMOYA QILISH VA BAHOLASH TARTIBI
Tanishuv amaliyoti bo’yicha hisobot har bir ish joyi bo’yicha alohida tuziladi. Hisobot 30-40 bet (ilovalarsiz) hajmda kompyuterda 1,15 intervalda tayyorlanadi va tikilgan holda topshiriladi. Hisobot kafedradan tayinlangan rahbar o’qituvchi (yoki kafedra mudirining ruxsatiga ko’ra boshqa professor-o’qituvchi) tomonidan tekshiriladi va taqriz yoziladi. Taqrizda hisobotning ijobiy va salbiy jihatlari ko’rsatiladi. Taqriz oxirida hisobotni himoyaga qo’yish yoki qo’yilmaslik to’g’risida ma’lumot beriladi. Agar taqriz «Himoyaga qo’yilmaydi» deb baholangan bo’lsa, hisobot talaba tomonidan taqrizda ko’rsatilgan kamchiliklar asosida qayta ishlanadi, to’ldiriladi va qayta taqrizga beriladi. Ijobiy xulosaga ega talaba kafedrada tuzilgan komissiya huzurida amaliyot yuzasidan hisobotni himoya qilish huquqiga ega bo’ladi.

Himoyada talaba, komissiyaning talabiga ko’ra, amaliyotning maqsadi, mazkur dastur asosida bajarilgan ishlarning mazmuni, olib borilgan tahlillarning xulosalari haqida hisobot beradi va komissiyaning savollariga javob beradi.

Amaliyot yuzasidan hisobot quyidagilarni o’z ichiga oladi va berilgan ketma-ketlikda ilova etiladi:

1.