Mazkur dastur takomillashgan dts, bakalavriat ta’lim yo‘nalishining malaka talablari va o‘quv rejasiga muvofiq ishlab chiqilgan

I. ISHLAB CHIQARISH AMALIYOTINING MAQSADI VA VAZIFALARI
Ishlab chiqarish amaliyoti iqtisodiyot sohasidagi professional kadrlarni tayyorlashda muhim o’rin tutadi. Ishlab chiqarish amaliyoti o’quv jarayonining ajralmas qismi bo’lib, bakalavriat yo’nalishining ish jarayonida bo’lg’usi iqtisodchilarni nazariy tayyorgarligini amaliy faoliyat bilan uyg’unlashuvini ta’milaydi. Shu sabab o’quv jarayonining uzviy qismi bo’lib talabalarni fanlardan o’zlashtirgan nazariy bilim va amaliy ko’nikmalarini ijodiy jamoalarda amalda qo’llash bilan mustahkamlashga hamda malakaviy ko’nikmalar hosil qilishga qaratilgan. Ishlab chiqarish amaliyotining asosiy bazasi bo’lib korxona va tashkilotlar, idora, vazirlik va davlat qo’mitalari, fan, ta’lim, sog’liqni saqlash, madaniyat, savdo, qishloq xo’jaligi, davlat hokimiyati va boshqaruv organlari, tijorat tashkilotlari, moliya-bank muassasalarining tegishli bo’limlarida o’tkazishlari ko’zda tutiladi.
Ishlab chiqarish amaliyoti asosiy vazifalaridan biri bu – talabalarning iqtisodiyot sohasida amaliy ko’nikma va malakalarni shakllantirish, ularni o’quv jarayonida olgan bilimlarini mustahkamlash, kasbiy faoliyatini shakllantirishda ijodiy yondoshuvni shakllantirishdan iborat.
Bu yo’nalishda ishlab chiqarish amaliyoti vazifalari quydagilardan iborat:

• 
  talabalarni tanlagan mutaxassisligining mohiyati va ijtimoiy zaruriyatini anglashiga yordam berish;
  
• 
  iqtisodiyot tarmoqlari, fan va ijtimoiy sohani rivojlantirish shart-sharoitlari va omillarini tizimli tahlil qilish ko’nikmasini shakllantirish;
  
• 
  tashkilot faoliyatini optimallashtirishga doir bilim va malakani shakllantirish;
  
• 
  tashkilotning faoliyat ko’rsatish tendentsiyalari va qonuniyatlarini tahlil qilish hamda strategik rivojlanish tamoyillari asosida uning raqobatbardoshligini oshirish imkoniyatlarini baholash;
  
• 
  tashkilotning ishlab chiqarish va xizmat ko’rsatish jarayoniga investitsiya kiritish va uning yangi usullaridan foydalanishga asoslangan boshqaruv mexanizmlarini takomillashtirish yo’nalishlarini asoslash va boshqalar.