Mazkur dastur takomillashgan dts, bakalavriat ta’lim yo‘nalishining malaka talablari va o‘quv rejasiga muvofiq ishlab chiqilgan

9. Institutdan tayinlangan tanishuv amaliyot rahbari bilan ishlash
Talaba tomonidan kasbiy faoliyati ko’nikmalarini egallash uchun shakllantirilgan natijalarni amaliyot rahbari e’tiboriga havola qilinadi. Umumiy natijalar amaliyot rahbari tomonidan kompleks tartibda o‘rganib chiqilgandan keyin hisob natijaviy tartiblash jarayoniga o‘tiladi. Amaliyot rahbari talaba tomonidan shakllantirilgan tahlil va xulosaviy natijalarga asoslangan hisobga o‘zining yozma xulosasini bildiradi.


IV. ISHLAB CHIQARISH AMALIYOTINI O‘TASH JARAYONIDA TALABANING MAJBURIYATLARI
Ishlab chiqarish amaliyotini o‘tash davrida talaba tegishli xo‘jalik subyektida o‘rnatilgan ichki ish tartib-qoidalariga qat’iy rioya qilishi va jamoat ishlarida faol ishtirok etishi kerak. Mehnat muhofazasi, xavfsizlik texnikasi va ishlab chiqarish sanitariyasi qoidalarini o‘rganishi va qat’iy rioya qilishi zarur. Amaliyot o‘tayotgan talaba amaliyot dasturida ko‘rsatilgan barcha vazifalarni bajarishi, yo‘riqnoma, xatlar va boshqa barcha huquqiy-me’yoriy hujjatlar hamda ulardagi o‘zgarishlar bilan tanishib borishi lozim. Amaliyot davomida talaba institut dekanati tomonidan berilgan kundalikni yuritib, unda har kuni bajargan ishlarini yoritib borishi lozim. Kundalikda bajarilgan ishlar quyidagi shaklda yozib boriladi:

Sana	Amaliyotdagi ish joyi	Bajarilgan ishlar	Rahbarning imzosi

Har bir ish kunining oxirida shu kungi amaliyot uchun rahbarlik qilgan xo‘jalik subyektidagi mas’ul xodim talabaning bajargan ishlarini kundalik daftariga o‘z imzosini qo‘yishi orqali tasdiqlaydi.

Talaba xo‘jalik subyektida amalga oshirgan kunlik amaliyot ishlarini umumlashtirib, amaliyot muddati tugagach, hisobot tayyorlaydi (qo‘l yozma yoki elektron shaklda). Hisobotning hajmi kamida 35-40 betni tashkil etishi lozim. Tayyor bo‘lgan hisobot kafedra tomonidan ro‘yxatga olinadi.
Hisobot tarkibi quyidagilardan iborat:

• 
  kirish;
  
• 
  har bir bo‘limda ko‘rib chiqilishi lozim bo‘lgan mavzular va savollar to‘liq ochib berilgan amaliyot natijalari;
  
• 
  amaliy ma’lumotlar;
  
• 
  xo‘jalik subyekti tomonidan foydalaniladigan hujjatlardan namunalar;
  
• 
  ilovalar.
  

Talaba amaliyot joyidan quyidagilarni olishi va tasdiqlatishi kerak:

• 
  kundalik (amaliyot joyiga kelganligi va amaliyot bo‘yicha yakuniy xulosani mas’ul xodim imzosi va muhr bilan tasdiqlatishi):
  
• 
  tavsifnoma.