Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

Majburiyatlarni lozim darajada bajarmaslik 
ularning yuzaki, 
ishtiyoqsiz, e’tiborsizlik bilan, o‘ylamasdan va kerakli g’ayrat, tashab-
bussiz bajarilishida namoyon bo‘ladi. Bu ko‘rinishdagi sovuqqonlik harbiy 
mansabdor shaxsning unga ishonib topshirilgan harbiy mulkka loqayd 
munosabatda bo‘lishi oqibatida mazkur mulkning nobud bo‘lishi yoki 
unga shikast yetishi, moddiy boyliklardan foydalanishda hisob-kitob va 
nazoratning yetarlicha bo‘lmaganligi yoki ularni saqlash yomon tashkil 
etilganligi sababli talon-toroj yoki kamomad kelib chiqishi, qo‘mondon 
bo‘linmada harbiy tartib o‘rnatish uchun tegishli chora-tadbirlar 
ko‘rmaganligi tufayli tobe shaxslar tomonidan intizomning qo‘pol 
buzilishi yoki qo‘mondonlik bergan topshiriqlarning bajarilishi barbod 
bo‘lishi kabilarda namoyon bo‘ladi. 
Sovuqqonlik 
mansabdorlik jinoyati bo‘lib, mansabdor shaxs 
tomonidan bajarilmagan yoki lozim darajada bajarilmagan harakatlar 
uning xizmat vakolatiga tegishli bo‘lishini, lavozimi bo‘yicha uning 
zimmasiga yuklatilgan majburiyatlar doirasiga kirgan bo‘lishini taqozo 
etadi. 
Mansabdor shaxs u yoki bu majburiyatlarni o‘z xizmat burchi tufayli 
bajarishi nafaqat shart bo‘lgan, balki uni lozim darajada bajarishi mumkin 
va buning uchun real imkoniyatga ega bo‘lgan holdagina sovuqqonlik 
uchun javobgarlikka tortilishi mumkin. Agar mansabdor shaxs o‘z xizmat 
vazifalarini lozim darajada amalga oshirish uchun yetarli imkoniyatga ega 
365 

---

bo‘lmagan sharoitga tushib qolgan bo‘lsa, sovuqqonlik uchun javobgarlik 
istisno etiladi». 
Ko‘rib chiqilayotgan mazkur jinoyat ko‘p miqdorda zarar yoki bosh-
qa og’ir oqibatlar yuz bergan paytdan boshlab 
tugallangan
hisoblanadi. 
Xizmatga sovuqqonlik bilan qarash hamda yuz bergan oqibatlar o‘rtasidagi 
sababiy bog’lanish jinoyat obyektiv tomonining zaruriy belgisi bo‘ladi.
Fuqarolarning sog’lig’iga zarar yetkazilishi shaxsga qarshi jinoyatlar 
uchun javobgarlikni nazarda tutuvchi JK tegishli moddalari bilan jinoyatlar 
jami tariqasida javobgarlikka tortiladi.