Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

JK 295-moddasi 2-qismi
mazmunida o‘q-qurollarini tan olinishi 
uchun texnik sozligi emas, buyumning konstruktiv mo‘ljallanganligi va 
yo‘qotish ta’sirining amaldagi xususiyatlari ahamiyatga ega. Jonli yoki 
boshqa nishonni yo‘qotishga mo‘ljallanmagan signal va imitatsiya 
vositalari o‘q-dorilarga kirmaydi. 
Harakat qilish vositalari 
ko‘rib chiqilayotgan modda mazmunida – 
bu harbiy qism (harbiy muassasa) hisobida turgan harbiy texnikaga kir-
maydigan transport vositalari (avtomobil, daryo transporti va h.k.) 
Texnika ta’minoti buyumlariga 
har xil turdagi yoritgichlar, texnik 
ehtiyoj uchun mo‘ljallangan uskunalar (transport vositalari uchun ehtiyot 
qismlari, yoqilg’i-moylash materiallari, elektron-hisoblash mashinalari 
uchun qismlar va h.k.) kiradi. 
JK 295-moddasi 1-qismida
nazarda tutilgan jinoyatning 
obyektiv 
tomoni 
harbiy mulkni behuda sarflash, ya’ni muddatli harbiy xizmat 
harbiy xizmatchisining shaxsan o‘zi foydalanishi uchun berilgan harbiy 
aslaha-anjomlarni sotishi, foydalanish uchun birovga berishi yoki garovga 
qo‘yishidan iborat. 
Behudaga sarflashning
zaruriy belgisi – muddatli harbiy xizmat 
harbiy xizmatchilariga shaxsiy foydalanishga berilgan harbiy aslaha-anjom 
buyumlarini boshqa shaxsning huquqsiz egalik qilishiga o‘tishidir. Bu 
holat qonunda ko‘rsatilganidek, behudaga sarflash, sotish, foydalanishga 
topshirish yoki boshqa shaxsga garovga berish yo‘li bilan amalga 
oshirilishi mumkin. 
Harbiy aslaha-anjomni 
sotish 
uni boshqa shaxslarga haq evaziga 
topshirishda, ya’ni qandaydir moddiy manfaat evaziga yoki boshqa 
buyumlarga almashtirishda ifodalanadi. 
335 

---

Harbiy aslaha-anjomni sotish harbiy aslaha-anjomni boshqa shaxsga 
amalda o‘tgan vaqtidan boshlab