Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

NOTA BENE ! 
Shaxsni garov tariqasida tutqunlikda ushlab turish 
deganda, 
g’ayriqonuniy ravishda tutqunlikka olingan shaxsning xohlagan joyiga 
ketishiga zo‘rlik ishlatib to‘sqinlik qilishni tushunish zarur. 
Aksariyat hollarda, shaxsni garov sifatida tutqunlikka olish vaqtida 
aybdorlar jismoniy yoki ruhiy zo‘rlik ishlatadilar. 
Ruhiy zo‘rlik ishlatish 
o‘ldirish, badanga shikast yetkazish, mulkini 
nobud qilish yoki unga zarar yetkazish bilan qo‘rqitishda ifodalanishi 
mumkin.
31 

---

Jismoniy zo‘rlik ishlatish 
deganda, tutqunning kaltaklanishi, 
do‘pposlanishi, badaniga yengil yoki o‘rtacha og’ir shikast yetkazilishi 
tushunilishi zarur. 
Tutqunlikka olish vaqtida garovga olinayotgan shaxsning badaniga 
yengil yoki o‘rtacha og’ir shikast yetkazilganida aybdorning qilmishi 
JK 
245-moddasi 1-qismi
bilan qamrab olinadi va qo‘shimcha JK tegishli 
moddalari bilan kvalifikatsiya qilinmaydi.
Shaxsni garov sifatida tutqunlikka olish – muayyan maqsadga 
erishish yo‘lidagi, ya’ni davlat, xalqaro tashkilotlar, jismoniy yoki yuridik 
shaxslarni biror-bir harakatni sodir etishga majbur qilish yoki sodir 
etishdan tiyib turishga qaratilgan jinoiy harakatning oraliq bosqichidir.
Garovga olingan shaxslarni ozod qilish shartlari turlicha bo‘lishi 
mumkin. Dunyo miqyosida garovga olinganlar bilan bog’liq sud-tergov 
amaliyotini o‘rganish shundan dalolat beradiki, aybdorlar ko‘pincha o‘zlari 
turgan mamlakatdan chiqib ketish imkonini berish, hukumat qarorining 
bekor qilinishiga erishish, mahkumlarni ozod qilish, pul, qurol, 
giyohvandlik moddalarining berilishi va h.k. talablarni qo‘yganlar. Mazkur 
talablar har qanday davlat (jinoyatchi fuqarosi bo‘lgan yoxud boshqa bir 
davlat) oldiga qo‘yilishi mumkin.