Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

NOTA BENE ! 
Ishontirish yo‘li bilan amalga oshiriladigan undash 
deganda,o‘zga 
shaxsda giyohvandlik vositalari yoki boshqa moddalarni unatish, taklif 
qilish, maslahat berish, qiziqtirish, ustidan kulish, haq berishni va’da qilish 
(sotib olish) va h.k.lar vositasida iste’mol qilishga maylini uyg’otishga 
qaratilgan har qanday ta’sir ko‘rsatish tushuniladi. 
NOTA BENE ! 
Majburlash yo‘li bilan amalga oshiriladigan undash 
o‘zga shaxsni 
uning xohish-ixtiyoriga zid ravishda qonunda ko‘rsatilgan qo‘rqitish, 
aldash, shantaj qilish, ozodlikni cheklash, urib-do‘pposlash, qiynash, azob 
berish, badanga har xil og’irlikda shikast yetkazish yoki zo‘rlik 
ishlatishning boshqa usullari vositasida giyohvandlik vositalari yoki 
psixotrop moddalarni iste’mol qilishga majbur qilish maqsadida 
jabrlanuvchini jalb qiluvchining 
xohish-irodasiga bo‘ysundirishga 
qaratilgan ruhiy yoki jismoniy tazyiq o‘tkazishida ifodalanadi. 
191 

---

Agar jabrlanuvchiga jismoniy zo‘rlik ishlatish yo‘li bilan jalb qilish 
chog’ida uning badaniga yengil yoki o‘rtacha og’ir shikast yetkazilgan 
bo‘lsa, aybdorning qilmishi 
JK 274-moddasi 1-qismi
bilan kvalifikatsiya 
qilinadi. Ammo jabrlanuvchining badaniga og’ir shikast yetkazilgan 
taqdirda aybdorning qilmishi jinoyatlar majmui bo‘yicha JK 104-moddasi 
(Qasddan badanga og’ir shikast yetkazish) va 
JK 274-moddasi
bilan 
kvalifikatsiya qilinishi lozim. 
Giyohvandlik vositalari, psixotrop yoki shaxsning aql-idrokiga ta’sir 
etuvchi boshqa moddalarni iste’mol qilishga o‘zga shaxsni ishontirish yoki 
majburlash bilan bevosita bog’liq bo‘lmagan harakatlar (masalan, mazkur 
vositalar yoki moddalarni o‘zga shaxslarning oldida tayyorlash, ularni 
iste’mol qilish, namoyish qilish va h.k.) undash sifatida kvalifikatsiya 
qilinishi mumkin emas. 
Jinoiy undashning davom etish vaqti jalb etuvchi qo‘llagan undash 
shakllari, usullari; undash yuz bergan sharoit; jinoiy qilmish subyekti bilan 
jabrlanuvchining o‘rtasidagi munosabatlar; giyohvandlik vositalari, psixo-
trop va boshqa moddalarni iste’mol qilishga jabrlanuvchining moyillik 
darajasi va h.k.larga bog’liq bo‘ladi. Shu sababli undash bir martalik va 
davomli jarayon bo‘lishi ham mumkin. Biroq, huquqiy baho berish uchun 
o‘zga shaxsni giyohvandlik vositalari, psixotrop yoki boshqa moddalarni 
iste’mol qilishga ishontirish yoki majburlashga bevosita qaratilgan 
dastlabki harakatlar muhim ekanligi hisobga olinib, shaxsni jinoiy javob-
garlikka tortish uchun yetarli asos deb hisoblanadi. 
Mazkur jinoyat shaxsda giyohvandlik vositalari, psixotrop yoki 
shaxsning aql-idrokiga ta’sir etuvchi boshqa moddalarni iste’mol qilishga 
mayl uyg’otishga yoki shaxsni bunday vositalar yoki moddalarni iste’mol 
qilishga majburlashga qaratilgan harakatlar boshlangan paytdan e’tiboran