Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

predmeti
temir yo‘l, 
suv (dengiz va daryo) yoki havo transportiga oid o‘zi harakatlanuvchi 
texnik vositalardir. 
NOTA BENE ! 
Temir yo‘l transporti –
magistral temir yo‘llar, kirish yo‘llari va 
metropolitenda foydalaniladigan, po‘lat izlar bo‘ylab qatnaydigan 
transport vositalari (tramvay bundan mustasno)dir.
Agar kirish yo‘llari umumiy temir yo‘llar tarmog’i bilan bog’lan-
magan bo‘lsa, ular temir yo‘l transporti ixtiyorida bo‘lmay, mahkamalarga 
qarashli bo‘ladi. 
Shaxtalar, 
sex 
ichida foydalaniladigan transport vositalari 
(elektrovozlar, vagonetkalar va boshqalar) texnologik jarayon bilan bog’liq 
bo‘lgan ishlab chiqarish funksiyasini bajarishi tufayli ko‘rib chiqilayotgan 
transport turiga kirmaydi. 
Ushbu transport vositalarida belgilangan mehnatni muhofaza qilish, 
muayyan ishlarni bajarish, texnika xavfsizligi qoidalari buzilishi tufayli 
jinoyat sodir etilgan bo‘lsa, aybdorning qilmishi JK 257-moddasi 
(Mehnatni muhofaza qilish qoidalarini buzish) bilan kvalifikatsiya qilinadi. 
NOTA BENE ! 
Suv (dengiz va daryo) transportiga
kimning ixtiyorida bo‘lishidan 
qat’i nazar, havza suv transporti inspeksiyalari reestrida ro‘yxatga olinishi 
lozim bo‘lgan barcha kemalar, ya’ni o‘zi harakatlanuvchi suzish vositalari 
(yo‘lovchilar tashiydigan, transport kemalari, qazib oluvchi, qayta 
ishlovchi, sport kemalari va h.k.) kiradi.
 
Idoraviy normativ hujjatlarga ko‘ra suv transporti hisoblanadigan, 
o‘zi yurmaydigan transport vositalari mazkur jinoyatning predmeti bo‘la 
olmaydi. Ushbu suzuvchi vositalar (o‘z aksariyatida barja, plashkoutlar) 
mustaqil transport ahamiyatiga ega emas, o‘ziyurar transport vositalari 
111 

---

bilan birgalikdagina qo‘llanilishi mumkin. O‘zi yura olmaydigan suzuvchi 
vositalar qo‘llanilishidan zararli oqibatlar faqatgina o‘ziyurar kemadan 
foydalanish qoidalarini buzish natijasidagina yuzaga kelishi mumkin.