Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

boshqa og’ir oqibatlar
deganda, ko‘plab kishilarning 
sog’lig’iga zarar yetishi, ekologik vaziyatning yomonlashuvi, juda ko‘p 
miqdorda moddiy zarar yetkazilishi va h.k. tushunilishi kerak. 
18-§. Radioaktiv materiallardan qonunga xilof 
ravishda foydalanish (JK 254-moddasi) 
Jinoyatning
bevosita asosiy obyekti
radioaktiv materiallar bilan 
muomalada bo‘lish tartibini belgilovchi jamoat xavfsizligi hisoblanadi. 
Bevosita qo‘shimcha obyekti
ekologik xavfsizlik, fuqarolarning hayoti va 
sog’lig’i, 
o‘zgalar mulkining daxlsizligini ta’minlovchi ijtimoiy 
munosabatlardir. 
Radioaktiv materiallar – ion nurlari tarqatuvchi manbalar, turli 
fizikaviy holatda, har qanday qurilma yoki buyum ko‘rinishidagi 
78 

---

radioaktiv moddalar yoki yadro materiallar jinoyatning 
predmeti 
hisoblanadi.
Obyektiv tomondan
jinoyat radioaktiv materiallar bilan qonunga 
xilof ravishda muomalada bo‘lish, ya’ni radioaktiv materiallar (qurilmada 
yoki buyum tarkibida har qanday fizik holatda yoinki boshqa ko‘rinishda 
turgan ion nurlari tarqatuvchi manbalar)ga, radioaktiv modda yoki yadro 
materiallariga qonunga xilof ravishda ega bo‘lish, ularni saqlash, ulardan 
foydalanish, ularni birovga o‘tkazish, ularni buzish natijasida badanga 
o‘rtacha og’ir yoki og’ir shikast yetkazilishida ifodalanadi. 
Ushbu jinoyatning obyektiv tomoni radioaktiv materiallar bilan 
muomalada bo‘lish qoidalariga zid bo‘lgan harakat yoki harkatsizlikda 
ifodalanadi.
Ushbu norma blanket dispozitsiyali bo‘lib, qilmishni 
JK 254-
moddasi
bilan kvalifikatsiya qilish uchun tegishli qonunlar va normativ 
aktlarga murojaat qilish kerak bo‘ladi. Shaxsni jinoiy javobgarlikka tortish 
uchun radioaktiv materiallar bilan g’ayriqonuniy muomala qilishning aniq 
usuli aniqlanishi shart.