Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

NOTA BENE ! 
Ishlab chiqarish 
pirotexnika buyumlarini kelgusida iste’molga 
chiqarish uchun ularni to‘liq texnologik turkum yoki uning ayrim 
bosqichlari bo‘yicha bevosita ishlab chiqarish faoliyatini amalga 
oshirishda namoyon bo‘ladi. 
 
Qayd etish lozimki, pirotexnika buyumlarini (harbiy maqsaddagi 
mahsulotlardan tashqari) yaratish, ishlab chiqarish, tashish, saqlash, 
realizatsiya qilish, ulardan foydalanish, ularni yo‘q qilish va utilizatsiya 
qilish O‘zbekiston Respublikasi Oliy Majlisining 2001 yil 12 maydagi 
222-II-son qarori
1
bilan tasdiqlangan Amalga oshirilishi uchun 
litsenziyalar talab qilinadigan faoliyat turlarining ro‘yxatiga kiritilgan. Shu 
tufayli, turli korxonalar tomonidan tegishli litsenziyasiz pirotexnika 
buyumlarini ishlab chiqarish holatlari pirotexnika buyumlarini qonunga 
xilof ravishda ishlab chiqarish sifatida e’tirof etilishi lozim. 
Pirotexnika buyumlarini ishlab chiqarishda ishlab chiqaruvchilar 
pirotexnika buyumlari O‘zbekiston Respublikasi Vazirlar Mahkamasining 
2004 yil 6 iyuldagi 318-son qarori bilan tasdiqlangan Majburiy tartibda 
sertifikatlanadigan mahsulot turlari ro‘yxatiga kiritilganligini inobatga 
olishlari kerak. 
NOTA BENE ! 
Ko‘rib chiqilayotgan modda nuqtai nazaridan 
tayyorlash 
deganda, 
pirotexnika buyumlarini pirotexnika moddalaridan va turli yordamchi 
vositalaridan tayyorlashga yo‘naltirilgan aybdor shaxsning barcha xatti-
harakatlari tushuniladi. 
1
Ўзбекистон Республикаси қонун ҳужжатлари тўплами, 2002 йил, 2-сон, 14-модда.
59 

---

Ixtisoslashmagan korxonalar (maishiy yoki kichik sexlar sharoitida) 
tomonidan qonunda belgilangan tartibda ro‘yxatdan o‘tmasdan pirotexnika 
buyumlarini tayyorlash mazkur buyumlarni qonunga xilof ravishda 
tayyorlashga misol bo‘ladi. Bundan tashqari, pirotexnika buyumlarini 
tayyorlashda tegishli shaxslar pirotexnika vositalari aylanishiga oid 
faoliyat bilan shug’ullanish huquqini beruvchi litsenziyaning talablari va 
shartlarini, shuningdek pirotexnika vositalarini yaratishda majburiy 
bo‘lgan xavfsizlikning umumiy talablarini belgilaydigan davlat standart-
larini bajarishlari shart.