Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

katta ekin maydonida
yetishtirish deganda, 
JK VIII bo‘limiga muvofiq, 1000 kvadrat metr va undan ortiq ekin 
maydonida ekish tushuniladi. 
Ko‘rib chiqilayotgan moddaning qolgan og’irlashtiruvchi va alohida 
og’irlashtiruvchi holatlarining mazmuni boshqa jinoyat tarkiblarini tahlil 
qilishda yoritilgan. 
2-§. Giyohvandlik vositalari yoki psixotrop 
moddalarni qonunga xilof ravishda egallash 
(JK 271-moddasi) 
Ayni holda jinoyatning 
bevosita asosiy obyektini
giyohvandlik 
vositalari, psixotrop moddalar va prekursorlarning muomalada bo‘lishi 
sohasidagi ijtimoiy munosabatlar tashkil etadi. 
Bevosita qo‘shimcha 
obyekt 
mulkiy manfaatlar, mazkur jinoyat talonchilik yoki bosqinchilik 
yo‘li bilan sodir etilgan taqdirda esa, jabrlanuvchining jismoniy daxlsizligi, 
uning sog’lig’idir. 
Fakultativ obyekt
sifatida aholi sog’lig’ining 
xavfsizligini ta’minlovchi jamoat munosabatlari tushunilishi lozim. 
Giyohvandlik vositalari yoki psixotrop moddalar jinoyatning 
predmeti 
hisoblanadi. Mazkur vositalar va moddalar qonuniy muomalada 
176 

---

bo‘lishi ham (tarkibida giyohvandlik moddalari bo‘lgan dori preparatlari), 
qo‘lbola usulda tayyorlangan va narxi belgilanmagan bo‘lishi ham 
mumkin.
(«Giyohvandlik vositalari» va «psixotrop moddalar» tushunchalari-
ning mazmuni haqida batafsilroq JK 270-moddasi tao‘liliga qarang.)
JK 271-moddasi 1-qismida
nazarda tutilgan jinoyatning 
obyektiv 
tomonini
giyohvandlik vositalari yoki psixotrop moddalarni qonunga xilof 
ravishda, o‘g’rilik yoki firibgarlik yo‘li bilan egallash tashkil etadi.
Qonunga xilof ravishda egallash
jinoyatning ko‘rsatilgan 
predmetlarini qasddan g’ayriqonuniy ravishda qo‘lga kiritish yoki ularni 
shaxsiy iste’mol yoki o‘zgacha tarzda g’ayriqonuniy foydalanish 
maqsadida olib qo‘yishdir.
Jinoyat 
JK 271-moddasi 
bo‘yicha kvalifikatsiya qilinishi uchun 
giyohvandlik vositalari yoki psixotrop moddalar aynan kimga – davlat 
yoki xususiy korxonalar, muassasalar, tashkilotlar yoki ularga qonuniy 
yoki qonunga xilof ravishda egalik qiluvchi ayrim fuqarolarga qarashli 
bo‘lgani ahamiyatga ega emas.
Tarkibida giyohvandlik moddasi bo‘lgan o‘simliklarni yoki bunday 
o‘simliklarning qismlari (ko‘knor chanog’i va poyasi, nasha o‘simligi 
poyasi va h.k.)ni qishloq xo‘jalik korxonalarining dalalarida yoki 
fuqarolarning yer maydonlarida ekinlarning haqiqiy egasi roziligisiz terish, 
bunday o‘simliklar qonunga xilof ravishda yetishtirilgan bo‘lsa ham, 
g’ayriqonuniy egalik qilish deb tushunilishi lozim.
Giyohvandlik vositalari yoki psixotrop moddalarni o‘g’rilik yo‘li 
bilan qonunga xilof ravishda egallash giyohvandlik vositasi yoki psixotrop 
modda qo‘lga kiritilgan va aybdor ularni tasarruf etish yoki ulardan o‘z 
ixtiyoriga ko‘ra foydalanish imkoniyatiga ega bo‘lgan paytdan e’tiboran 
tugallangan 
deb topiladi.
Ko‘rsatilgan vositalar va moddalarni firibgarlik bilan qonunga xilof 
ravishda egallash aybdor aldov yoki ishonchni suiiste’mol qilish yo‘li 
bilan giyohvandlik vositalari yoki psixotrop moddalarni o‘z tasarrufiga 
olgan paytdan e’tiboran