Maxsus qism iqtisodiyot sohasidagi jinoyatlar. Ekologiya sohasidagi jinoyatlar

NOTA BENE ! 
Sud hujjatining ijro etilishiga to‘sqinlik qilish
deganda, aybdor 
tomonidan tegishli organlar yoki mansabdor shaxslarga qarshi harakat 
qilishini, sud hujjatini ijro qilishga to‘siqlar yaratishini, sud hujjatining ijro 
etilishini istisno qiladigan harakatlarni bajarishini (hujjatlarni nobud qilish, 
ularga shikast yetkazish, ularni buzish, almashtirish) anglatadi. Sud 
hujjatini bajarishdan bo‘yin tovlashdan farqli ularoq, uning ijro etilishiga 
to‘sqinlik qilish xulq-atvorning faol shaklini nazarda tutadi. 
Agar sud hujjatini bajarishga to‘sqinlik qilish sud hukmi, hal qiluv 
qarori, ajrimi, qarorini bajarayotgan shaxsga nisbatan zo‘rlik ishlatish yoki 
shunday zo‘rlik ishlatish bilan tahdid qilish orqali ifodalangan harakatlarda 
namoyon bo‘lsa, bunday hollarda tegishli jinoyat tarkiblari bilan jinoyatlar 
jami tariqasida qilmishni kvalifikatsiya qilish lozim.
481 

---

Sud hal qiluv qarorini bajarmaslik Jinoyat kodeksida formal tarkibli 
jinoyat sifatida shakllantirilgan.
Sudning tegishli hujjatini bajarish uchun qonunda ko‘rsatilgan muddat 
tugagan yoxud uning bajarilishiga to‘sqinlik qilishga qaratilgan harakat 
sodir etilgan paytdan e’tiboran sharhlanayotgan jinoyat 
tugallangan 
deb 
hisoblanadi. Bunda qandaydir oqibatlarning kelib chiqishi talab etilmaydi, 
biroq bular sud tomonidan e’tiborga olinishi mumkin. 
JK 232-moddasida ko‘rsatilgan jinoyat 
subyektiv tomondan to‘g‘ri 
qasd 
bilan sodir etiladi. Aybdor sud hukmi, hal qiluv qarori, ajrimi, 
qarorini bajarmayotganligini yoxud bajarishga to‘sqinlik qilayotganligini 
anglaydi va bu harakatlarni amalga oshirishni xohlaydi.
Bu holatda 
motiv 
ahamiyatga ega bo‘lmaydi, bu g‘arazli niyat, shaxsiy 
mafaatdorlik, noto‘g‘ri tushunilgan xizmat manfaatlari, birodarlik tuyg‘usi 
va hokazolar bo‘lishi mumkin. 
Jinoyat 
subyekti 
JK 232-moddasi birinchi qismi bo‘yicha 18 yoshga 
to‘lgan, aqli raso jismoniy shaxslar, ikkinchi qismi bo‘yicha esa faqat 
mansabdor shaxslar — yuborilgan sud hujjatlarini bajarish vakolati 
doirasiga kiruvchi tashkilot, korxona, muassasalarning rahbarlari bo‘lishi 
mumkin. 
JKning