Maxsus qism iqtisodiyot sohasidagi jinoyatlar. Ekologiya sohasidagi jinoyatlar

JK 210-moddasining 2-qismi 
pora olishning quyidagi 
kvalifikatsiyalovchi tarkiblarini: 
a) takroran, xavfli retsidivist yoki ilgari JK 211- yoki 212-moddalarida 
nazarda tutilgan jinoyatlarni sodir etgan shaxs tomonidan; 
b) ko‘p miqdorda; 
v) tamagirlik yo‘li bilan; 
363 

---

g) bir guruh mansabdor shaxslar tomonidan oldindan til biriktirib sodir 
etilganligi uchun javobgarlikni nazarda tutadi. 
Pora olishning kvalifikatsiyalovchi belgisi sifatida 
takroriylik 
ushbu 
jinoyatlardan birortasini javobgarlikka tortish muddati o‘tmagan holda 
kamida ikki marta sodir etishni talab etadi. Agar mansabdor shaxs bittasi 
tugatilmagan bo‘lgan pora olishning ikki fakti bo‘yicha javobgarlikka 
tortilayotgan bo‘lsa, qilmish jinoyatlar majmui bo‘yicha pora olishga 
suiqasd qilish va takroriy pora olish tarzida kvalifikatsiya qilinadi. Bunda 
shuni alohida ta’kidlash joizki, mazkur qilmishlarning turli vaqtlarda sodir 
etilishida aybdorda mazkur qilmishlarga nisbatan umumiy emas, balki 
alohida qasd mavjud bo‘ladi. 
Shu bilan birga, mansabdor shaxs tomonidan bir necha shaxslardan bir 
necha pora olish, agar ularning har biriga alohida harakatlar sodir etilishi 
nazarda tutilsa, mazkur qilmish takroran sodir etilgan jinoyat sifatida 
kvalifikatsiya qilinishi lozim. Bunda har bir pora beruvchi manfaatida 
amalga oshiriladigan alohida harakatlar o‘zining mazmuni bo‘yicha bir xil 
yoki har xil bo‘lishi mumkin. Poraning oldindan kelishilgan summasi 
miqdorining mansabdor shaxs tomonidan oshirilishi, agar bu pora beruvchi 
manfaatlarida oldingi natijani ko‘zlab harakat sodir etilsa, takroriylik 
belgisini keltirib chiqarmaydi. 
Tahlil qilinayotgan modda 2-qismining «a» bandida 
xavfli retsidivist 
yoki ilgari JK 211- yoki 212-moddalarida nazarda tutilgan jinoyatlarni 
sodir etgan shaxs tomonidan pora olinishi nazarda tutilgan. 
Pora oluvchi tomonidan porani bir necha marta «bo‘lib-bo‘lib» olish, 
takroriy pora olishni hosil qilmaydi. 
Turli usullarda pora olish yagona davom etuvchi jinoyatni shakllantiradi 
va takroriylik belgisi bilan kvalifikatsiya qilinishi mumkin emas.