Maxsus qism iqtisodiyot sohasidagi jinoyatlar. Ekologiya sohasidagi jinoyatlar

JK 202-moddasi 4-qismiga 
muvofiq, agar yetkazilgan zarar uch karra 
miqdorida qoplangan taqdirda ozodlikni cheklash va ozodlikdan mahrum 
qilish tariqasidagi jazo qo‘llanilmaydi. 
326 

---

11-§. Suv yoki suv havzalaridan foydalanish shartlarini 
buzish (JK 203-moddasi) 
Jinoyatning bevosita 
obyekti 
suv obyektlarini muhofaza qilishni 
tegishlicha ta’minlash, normal ekologik muhit, suv resurslari va boshqa 
ichimlik suvi manbalaridan oqilona foydalanish bo‘yicha normal faoliyatni 
ta’minlash, shuningdek, suv va suv omborlaridan atrof tabiiy muhitning 
tabiiy va ajralmas qismi sifatida samarali va tartibli foydalanish bo‘yicha 
munosabatlar hisoblanadi. 
Sharhlanayotgan modda vazifasi — suv inshootlari qurilishi va ulardan 
foydalanish, korxonalar va fuqarolarning suv resurslaridan foydalanishlari 
sohasida huquq-tartibotni jinoyat-huquqiy vositalar bilan mustahkamlash, 
suv sifatini saqlab qolish, yer osti suvlari joylashgan qatlamlar maydonini 
ifloslanish hamda noqonuniy ishlatilishidan jinoyat-huquqiy muhofaza 
qilish, shuningdek, og‘ir oqibatlarning oldini olishdan iborat. 
Suvdan foydalanish tartibiga bo‘lgan yuqori talablar va ularni jinoyat-
huquqiy jihatdan muhofaza qilish inson hayotiy faoliyatida suvning 
umumiy va muhim ahamiyati bilan bog‘liq bo‘lib, uning yomonlashuvi 
atrof muhitning boshqa tomonlariga, jumladan, hayvonot olami, 
o‘rmonlar, tuproq qatlami, yer ostiga ham ta’sir ko‘rsatishi mumkinligi, 
shuningdek, xavfli tajovuzlar oqibatining oldini olish yoki ularni yo‘qotish 
imkoni yo‘qligi yo murakkabligi, qayta tiklash ishlari qiymatining 
yuqoriligidan kelib chiqadi. 
Er usti yoki yer osti suvlari va suv havzalari, shuningdek, ichimlik suvi 
manbalari jinoyat 
predme
ti hisoblanadi. («Yer usti suvlari», «yer osti 
suvlari», «yagona davlat suv fondi» tushunchalari haqida JK 196-modda 
tahliliga qarang.)