Maxsus qism iqtisodiyot sohasidagi jinoyatlar. Ekologiya sohasidagi jinoyatlar

Bir guruh shaxslar tomonidan oldindan til biriktirib sodir etilgan 
hayvonot yoki o‘simlik dunyosidan foydalanish tartibini buzish qilmishini 
yagona jinoiy maqsadga ko‘ra birlashgan ikki yoki bir necha kishining 
ilgaridan kelishib sodir etishi sifatida baholash zarur. Sud jazoni har bir 
ishtirokchining qilmishdagi o‘rniga qarab tayinlashi kerak. 
Tabiatni asrashga oid qonunchilikning buzilishi bilan bog‘liq ishlarni 
ko‘rib chiqishda sudlar jinoiy yo‘l bilan qo‘lga kiritilganligi ma’lum 
bo‘lgan o‘ljani (baliq, yovvoyi hayvonlar, qushlar, yog‘och va 
hokazolarni) sotib olgan yoki sotgan shaxslarni aniqlash choralarini 
ko‘rishi, shu bilan birga muayyan shart-sharoitdan kelib chiqib JK 171-
moddasida ko‘zda tutilgan jinoyat belgilariga ko‘ra jinoiy ish qo‘zg‘atish 
masalasini hal qilishi kerak. 
JK 
202-moddasi 3-qismi
quyidagi maxsus kvalifikatsiya qilish 
belgilarini mustahkamlagan: 
a) xavfli retsidivist tomonidan; 
b) shaxsning o‘z xizmat mavqeidan foydalanib; 
v) yer, suv yoki havoda ishlatiladigan mexanizatsiyalashtirilgan 
vositalardan foydalanib; 
g) portlash qurilmalari, zaharli kimyoviy moddalar yoki boshqa yalpi 
qirib yuboradigan yoki nobud qiladigan usullarni qo‘llagan holda; 
d) uyushgan guruh tomonidan; 
e) juda ko‘p miqdorda zarar yetkazgan holda sodir etilgan jinoyat. 
Hayvonot yoki o‘simlik dunyosidan foydalanish tartibini buzishda o‘z 
xizmat mavqeidan foydalanayotgan shaxslarga
 
mansabdor shaxslar 
(korxonalar, muassasalar, tashkilotlar rahbarlari), shuningdek, tabiatni 
muhofaza qilish faoliyati bilan shug‘ullanuvchilar (professional ovchilar, 
o‘rmon qorovullari, tabiatni muhofaza qilish idoralarining nozirlari, 
325 

---

shtatdan tashqari xodimlari) mansubdir. 
Mansabdor shaxslar jinoiy javobgarlikka