Maxsus qism iqtisodiyot sohasidagi jinoyatlar. Ekologiya sohasidagi jinoyatlar

qonunga xilof yig‘ish (tayyorlash), 
u tegishli 
ruxsatnomasiz yoki me’yorda belgilanganidan tashqari hajmda, 
shuningdek, yig‘ish (tayyorlash) taqiqlangan hududda amalga 
oshirilganida yuz beradi deb hisoblanadi. 
Yerning va (yoki) suv kengliklarining (akvatoriyalarning) ustuvor 
ekologik, ilmiy, madaniy, estetik, rekreatsiya va sanitariya-
sog‘lomlashtirish ahamiyatiga molik bo‘lgan, xo‘jalik maqsadidagi doimiy 
yoki vaqtincha foydalanishdan to‘liq yoki qisman chiqarilgan uchastkalari 
muhofaza etiladigan tabiiy hududlar 
hisoblanadi. Muhofaza etiladigan 
tabiiy hududlar biologik, landshaft rang-barangligini ta’minlash va 
ekologik muvozanatni saqlab turish uchun mo‘ljallangan yaxlit ekologik 
tizimni tashkil etadi
1
. 
Muhofaza etiladigan tabiiy hududlar va obyektlarga 
davlat 
qo‘riqxonalari, majmua (landshaft) buyurtma qo‘riqxonalari, tabiat 
bog‘lari, davlat tabiat yodgorliklari, ayrim tabiiy obyektlar va majmualarni 
saqlab qolish, takror ko‘paytirish va tiklash uchun mo‘ljallangan hududlar, 
muhofaza etiladigan landshaftlar, ayrim tabiiy resurslarni boshqarish 
uchun mo‘ljallangan hududlar, shuningdek, Xalqaro qizil kitobga hamda 
O‘zbekiston Respublikasi Qizil kitobiga kiritilgan hayvon va o‘simliklar 
kiradi
2
. 
Muhofaza etiladigan tabiiy hududlardagi hayvonot va o‘simlik 
dunyosidan foydalanish tartibini buzish 
deganda, ularda zarur ruxsatsiz 
qurilish ishlarini olib borish; o‘simliklarni to‘plash, parrandalar va 
1
Қаранг
:
Ўзбекистон Республикасининг 2004 йил 3 декабрдаги «Муҳофаза этиладиган табиий ҳудудлар 
тўғрисида»ги 710-11-сон Қонуни, 4-модда.
2
Қаранг
:
Ўзбекистон Республикасининг 2004 йил 3 декабрдаги «Муҳофаза этиладиган табиий ҳудудлар 
тўғрисида»ги 710-11-сон Қонуни, 5-модда.
322 

---

hayvonlarni litsenziyasiz tutish, otish va hokazolar tushuniladi. 
O‘zbekiston Respublikasi «Muhofaza etiladigan tabiiy hududlar 
to‘g‘risida»gi Qonunining 7-moddasiga ko‘ra, «Muhofaza etiladigan tabiiy 
hududlarning yer uchastkalari va akvatoriya uchastkalarida mazkur 
hududlardan foydalanishning belgilangan maqsadiga zid har qanday 
faoliyat taqiqlanadi. 
Muhofaza etiladigan tabiiy hududlarning holatiga salbiy ta’sir 
ko‘rsatadigan yoki ko‘rsatishi mumkin bo‘lgan faoliyatni cheklash yoki 
taqiqlash uchun yer uchastkalarini saqlash vazifasi belgilanadi. 
Muhofaza etiladigan tabiiy hududlarni tashkil etishda yuridik va 
jismoniy shaxslarning faoliyatini cheklash yoki tugatish tufayli ularga 
yetkazilgan zararning o‘rni qonun hujjatlariga muvofiq qoplanadi». 
JK 202-moddasining 1-qismidagi jinoyat ancha miqdordagi zarar 
yetkazilgan paytdan boshlab