Maxsus qism iqtisodiyot sohasidagi jinoyatlar. Ekologiya sohasidagi jinoyatlar

tabiiy xossalarining o‘zgacha tarzda o‘zgarishi
deganda, 
biologik, fizik 
yoki kimyoviy xossalarning har qanday jiddiy o‘zgarishi tushuniladi. Bu 
bevosita suv obyektida yoki uning yaqinida turli (portlatish, qurilish va 
301 

---

boshqa) ishlar bajarilishi natijasi bo‘lishi mumkin. 
Suvning ifloslanishi, odatda, sanoat ishlab chiqarishi chiqindilari suvga 
tashlanishi, kimyoviy, biologik moddalar, zaharli ximikatlar va 
hokazolarni saqlash qoidalarining buzilishi natijasida yuz beradi. 
Atmosfera havosining ifloslanishi 
deganda, atmosferaga 
ifloslantiruvchi moddalarni chiqarib yuborish qoidalarining buzilishi, 
buning natijasida havoda zaharli moddalarning yo‘l qo‘yiladigan eng 
yuqori miqdori oshib ketishi tushuniladi. Masalan, korxona tomonidan 
tozalash filtrlarini qo‘llamaslik. 
Ifloslanish darajasini belgilayotganda yer, suv va atmosfera havosida 
zararli moddalar yo‘l qo‘yiladigan kontsentratsiyani o‘rnatadigan 
normativlarga amal qilish kerak. Sog‘liqni saqlash qonunchiligi oqava 
suvlarni tozalash, zararli chiqindilarni yo‘q qilishni ta’minlamaydigan 
yangi va rekonstruksiya qilingan korxona, tsex va boshqa ishlab chiqarish 
obyektlarini qurishni taqiqlaydi. 
Tahlil qilinayotgan modda doirasida harakat bilan oqibat 
o‘rtasidagi sababiy bog‘lanish 
shundan iboratki, harakat atrof muhitning 
tabiiy xususiyatlari o‘zgarishiga olib kelishi kerak. Bu o‘zgarishlar 
o‘zining yangi xususiyatlari bilan, masalan, mexanik aralashma 
miqdorining zararli moddalar bilan ko‘payishi yoki tabiiy obyektlardan 
birining fizik hajmi kamayishi bilan boshqa muhofaza qilinadigan 
obyektlar holati o‘zgarishini (odamlarning ommaviy ravishda kasallanishi, 
hayvonlar, parrandalar yoki baliqlarning qirilib ketishi yoki boshqacha 
og‘ir oqibatlar, shuningdek, inson o‘limi va hokazolarni) keltirib chiqaradi. 
Biroq, agar tabiiy muhit yoki uning obyektlaridan biri ifloslanishi bilan 
birga hayvon, parranda yoki baliq zaxirasining populyatsiyasi boshqa 
sababdan yuzaga kelgan epizootiya natijasida qirilib ketsa, u holda sababiy 
bog‘lanish bo‘lmaydi. 
Jinoyat ko‘rsatilgan har qanday oqibat (inson sog‘lig‘iga zarar yetkazish, 
shuningdek, inson o‘limi, hayvonlar, parrandalar yoki baliqlarning qirilib 
ketishi yoki boshqacha og‘ir oqibatlar) yuzaga kelgan vaqtdan boshlab