Maxsus qism iqtisodiyot sohasidagi jinoyatlar. Ekologiya sohasidagi jinoyatlar

191
1
-moddasi 2-qismi
bilan kvalifikatsiya qilinadi. 
Mazkur moddaning birinchi qismida berilgan harakatlar: 
a) juda ko‘p miqdorda zarar yetkazgan holda;
b) uyushgan guruh manfaatlarini ko‘zlab sodir etilgan bo‘lsa, 
javobgarlik JKning 
191
1
-moddasi 3-qismi
bo‘yicha vujudga keladi. 
2-§. Tadbirkorlik subyektlarining faoliyatini tekshirish va moliya-
xo‘jalik faoliyatini taftish qilish tartibini buzish 
(JK 192
2
-moddasi) 
O‘zbekiston Respublikasi Prezidentining 1996 yil 8 avgustdagi 
«Tekshirishlarni tartibga solish va nazorat qiluvchi organlar faoliyatini 
muvofiqlashtirishni takomillashtirish to‘g‘risida»gi Farmoniga asosan 
O‘zbekistonda Nazorat qiluvchi organlar faoliyatini muvofiqlashtirish 
bo‘yicha respublika Kengashi tuzilib, xo‘jalik yurituvchi subyektlar 
248 

---

faoliyatiga oid barcha tekshirishlar, ularning mulkiy shaklidan qat’i nazar, 
faqatgina mazkur Kengash bilan kelishilgan holda amalga oshiriladi. 
O‘zbekiston Respublikasi Prezidentining 1998 yil 19 noyabrdagi 
«Xo‘jalik yurituvchi subyektlarni tekshirishni tashkil qilishni tartibga 
solish to‘g‘risida»gi Farmoni bilan tekshirishlarni rejalashtirish tartibiga 
katta o‘zgarishlar kiritildi. 
O‘zbekiston Respublikasining «Xo‘jalik yurituvchi subyektlar faoliyatini 
davlat tomonidan nazorat qilish to‘g‘risida»gi Qonuni bilan tekshirishlar 
turlari va atamalari, tadbirkorlik subyektlari faoliyatini davlat tomonidan 
nazorat qilishning shakllari va asosiy prinsiplari, rejali va rejadan tashqari 
tekshirishlarni o‘tkazish asoslari, tekshirishlar davriyligi va muddatlari, 
nazorat qiluvchi organlar mansabdor shaxslari huquqlari va majburiyatlari 
belgilangan. 
O‘zbekiston Respublikasi Prezidentining 2005 yil 14 iyundagi 
«Tadbirkorlik subyektlarini huquqiy himoya qilish tizimini yanada 
takomillashtirish chora-tadbirlari to‘g‘risida»gi Farmoniga asosan, 
tadbirkorlik subyektlarining moliya-xo‘jalik faoliyatini tekshirish (taftish 
qilish) belgilangan tartibda faqat davlat soliq xizmati organlari, tekshirish 
davomida soliq va valutaga oid jinoyat alomatlari aniqlangan taqdirda esa, 
O‘zbekiston Respublikasi Bosh prokuraturasi huzuridagi Soliq va valutaga 
oid jinoyatlarga hamda jinoiy daromadlarni legallashtirishga qarshi 
kurashish departamenti tomonidan amalga oshirilishi belgilandi. 
Prezidentning 2011 yil 4 apreldagi «Tadbirkorlik subyektlarini 
tekshirishlarni yanada qisqartirish va ular faoliyatini nazorat qilishni 
tashkil etish tizimini takomillashtirish borasidagi qo‘shimcha chora-
tadbirlar to‘g‘risida»gi Farmoni bilan tadbirkorlik subyektlari faoliyati 
erkinligi kuchaytirilib, kichik tadbirkorlik subyektlari faoliyati bo‘yicha 
soliq tekshirishlarini 30 kalendar kunidan ortiq o‘tkazishga yo‘l 
qo‘yilmaydi.
Jinoyatning